Սեպտեմբերի 4-ին Գեղարքունիքի մարզպետ Կարեն Բոթոյանը աշխատանքային այցով եղավ Սևան քաղաքում: Մարզի ղեկավարը Սևանի քաղաքապետ Սարգիս Մուրադյանի ուղեկցությամբ այցելեց Սևանի Աբովյան փողոց, որտեղ կատարվում են ասֆալտապատման լայնածավալ աշխատանքներ: Ընդհանուր առմամբ Սևանում համայնքի ղեկավար Սարգիս Մուրադյանի հետևողական աշխատանքի շնորհիվ այս օրերին տարվում են Սևանի թաղամասերի, բակային հատվածների, փողոցների բարեկարգման, փոսալցման աշխատանքներ ասֆալտբետոնի երկրորդային հումքով: Ճանապարհաշինարարները ասֆալտբետոնի երկրորդասյին հումքի որակյալ սոսնձի միջոցով իրականացնում են ճանապարհների հարթեցման լայնածավալ աշխատանքներ: Հարկ է նշել, որ այս բոլոր աշխատանքները իրականացվում են առանց համայնքային բյուջեից ոչ մի լումա ծախսելու: Եվ այս ամենը իրականացվում է համայնքի ղեկավար Սարգիս Մուրադյանի ջանքերի շնորհիվ: Համայնքապետի նպատակասլաց աշխատանքի շնորհիվ Աբովյան փողոցը, որը ի սկզբանե նախատեսված էր ևս երկրորդային հումքով ասֆալտապատել,այսօր ասֆալտապատվում է առաջնային հումք հանդիսացող որակյալ բիտումով: Եվ դարձյալ ուզում ենք նշել ,որ առանց համայնքային բյուջեից ոչ մի լումա ծախսելու: Մարզպետ Կարեն Բոթոյանը Սևան այցի շրջանակներում ծանոթացավ Աբովյան փողոցում կատարվող ասֆալտապատման աշխատանքներին և իր գոհունակությունն արտահայտեց կատարվող աշխատանքների առումով: Մարզի ղեկավարը նաև նշեց, որ համայնքի ղեկավարի այսպիսի սրտացավ վերաբերմունքի արդյունքում առաջիկայում սևանցիներն ունենալու են ներկայանալի ու ավելի բարեկարգ քաղաք:
