TIRANE - Sensibilizimi intensiv në ndihmë të gruas përgjatë gjithë muajit tetorit, kurorëzohet me dy ngjarje shumë të rëndësishme që ndihmojnë me informacione për depistimin e kancerit të gjirit: Sonte në mbrëmje, e gjithë godina e kryeministrisë do të vishet me një performancë video-audio që lë gjurmë në mendjet e qytetarëve, gruas, familjeve dhe kujton domosdoshmërinë e informacionit, kontrolleve për të kapur në kohë një sëmundje që mposhtet në fazat fillestare të saj.
Ndërsa nesër në orën 10.00 në Hotel Sheraton nis Konferenca e dytë Ndërkombëtare ku do të shpalosen të rejat më të fundit të mjekësisë për kurimin e kancerit të gjirit.
Këtë vit në Konferencë merr pjesë Profesor Alberto Luini, Drejtor i një prej nga qendrave më ekselente në Europë, Instituti Europian i Onkologjisë (IEO) me seli në Milano, një nga senologët me famë botërore dhe krahu i djathtë i Profesor Umberto Veronesit, shkencari që një jetë të tërë ia kushtoi kurave dhe studimeve për luftën ndaj kancerit të gjirit. Nga Milano vjen dhe doktoreshë Giovanna Gatti, e cila gjithashtu do te flase per rendesine e informimit te gruas per parandalimin e kancerit te gjirit dhe të qafës së mitrës.
I pranishëm në Konferencën e nesërme do te jene Kryeministri Edi Rama i cili është impenjuar gjatë gjithë muajit për këtë kauzë, ministri i shëndetësisë Ilir Beqaj, gjithashtu në linjë të parë për këtë çështje, Perfaqesuesja e përhershme e Kombeve të Bashkuara Zineb Touimi – Benjelloun, mbështetëse kryesore e këtij aktiviteti. Ambasadori italian Massimo Gaiani do të jetë gjithashtu i pranishëm ku do të shpalosë mbështetjen e Italisë për shëndetësinë shqiptare.
Mjëkët më të mirë të Qendrës Spitalore Nënë Tereza dhe përfaqësues të Institutit të Shëndetit Publik do të shpalosin përpjekjet që bëhen nga shëndetësia jonë në këtë drejtim.
E gjithë konferenca do të moderohet nga gazetari Karlo Bolino dhe do të transmetohet live në televizionin A1Report dhe në media të tjera. Gjithashtu, shqiptarët jashtë shqipërisë mund ta ndjekin në kohë reale www.Shqiptarja.com. - See more at: [ Ссылка ]
Ещё видео!