#oranews #policia
Një efektiv i policisë rrugore të Tiranës, u arrestua dhe u përjashtua nga radhët e uniformave blu pasi nuk iu bind kolegëve për të ndaluar dhe gjatë kontrollit iu gjet lëndë narkotike në makinë. Renato Feri rezulton të jetë djali i Shefit të Burimeve Njerëzore në Policinë e Shtetit. Për shkelje në detyrë u përjashtuan edhe dy efektiva të tjerë të policisë.
Tre efektiva policie u përjashtuan me urdhër të Drejtorit të Përgjithshëm ndërkohë që njëri prej tyre, që rezulton edhe djali i Shefit të sektorit të Burimeve Njerëzore në Policinë e Shtetit, u kap me drogë në makinë.
Renato Feri, punonjës i policisë së qarkullimit rrugor në Tiranë, është përjashtuar pasi nuk i është bindur kolegëve të tij për të ndaluar automjetin, teksa gjatë kontrollit i është gjetur kanabis sativa.
Ai po lëvizte në zonën e Pallatit me Shigjeta ku nuk i është bindur urdhrit të forcave Shqiponja për të ndaluar për kontroll.
Në atë moment efektivët janë vënë në ndjekje dhe kanë arritur ta neutralizojnë në zonën e Saukut.
Gjatë kontrollit të mjetit civil me të cilin lëvizte efektivi i policisë është gjetur një sasi kanabisi. Kolegët e repartit "Shqiponja" kanë treguar se teksa po e shoqëronin në komisariat, efektivi Renato Feri i ka sharë dhe kërcënuar.
Po ashtua ta kanë deklaruar se i riu nuk është prezantuar si punonjës i policisë dhe nuk kishte as leternjoftimin.
Renato Feri rezulton të jëtë djali i Arian Ferit, i cili është shef sektori i burimeve njerëzore në Drejtorinë e Përgjithshme të Policisë së Shtetit.
Përvec Ferit drejtori i përgjithshëm i policisë së shtetit Muhamet Rrumbullaku ka firmosur përjashtimin nga detyra edhe të Ylber Dyberit me detyrë trup shërbimi në Sektorin e Forcës së Posaçme “Shqiponja”.
Ky punonjës policie u pezullua nga detyra, në datën 22.12.2022, pasi gjatë kohës që ka qenë jashtë orarit të shërbimit është konfliktuar me efektivët e Komisariatit të Policisë Rrugore.
Po ashtu masë pëzullimi është dhënë edhe për Inspektorin Redi Mato me detyrë trup shërbiminë Seksionin për Rendin, në Komisariatin e Policisë Elbasan.
Në datën 21 dhjetor 2022, ai është konfliktuar me punonjësin e policisë E. H., gjatë kohës që të dy kanë qenë jashtë orarit të shërbimit.
Djemtë e policëve
Ky është rasti i dytë në fillim të këtij janari djali i një punonjësi policie kapet në shkelje të ligjit. Më 1 janar 2023 u arrestua Alban Velo, djali i Dilaver Velos, inspektor me detyrë në trup shërbim në seksionin e patrullës në komisariatin nr 4 në Tiranë, pasi akuzohet si i përfshirë në vrajsen e Edmond Papës më 16 dhjetor 2022. Policia njoftoi dje për arrestimin e tij ndërsa informoi se është pezulluar babai polic si dhe kanë nisur hetimet.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
![](https://i.ytimg.com/vi/hst0WxcQz4g/mqdefault.jpg)