Lajme Arkiva 2006

Kjo ka qenë atmosfera e komisionit parlamentar hetimor për kryeprokurorin në fund të të cilës pas replikash të nxehta mes deputetëve opozita ka vendosur të braktisë sallën.

Tensioni nisi në minutat e para mes deputetit demokrat, Bujar Nishani, e deputetit socialist, Erion Braçe.

Shkak është bërë një shkresë e deputetit Braçe, kryeredaktori i gazetës “Zëri i Popullit”, po ashtu si edhe vendimi i ish-Ministrit të Punëve të Jashtme, socialistit Kastriot Islami që kanë pajisur me pasaportë shërbimi djalin e ish-sekretarit të përgjithshëm të Partisë Socialiste.

Bëhet fjalë për Ledio Ruçin, i cili ka qenë objekt diskutimi dhe një ditë më parë në mbledhjen e këtij komisioni parlamentar.

Ledio Ruçi është pajisur me pasaportë shërbimi nga ish-Ministri i Jashtëm, Islami, si shef i marrëdhënieve me jashtë të gazetës “Zëri i Popullit”, post të cilin se ka mbajtur asnjëherë, madje figuronte si punonjës i kuvendit.

Kjo ka shkaktuar reaksion dhe debate mes Nishanit e Braçes. Situata nuk ka qenë e nxehtë vetëm mes këtyre deputetëve, por dhe anëtarëve të tjerë të komisionit hetimor.

(Debate në komisionin hetimor Sollaku)

E gjithë kjo situatë replikash dhe debatesh të nxehta ka shkaktuar në fund largimin e opozitës nga mbledhja e komisionit, ndërsa mazhoranca ka vazhduar me rendin e ditës.

Vetëm deputetët e Partisë Demokratike kanë dëgjuar sot vlerësimin e ekspertëve sipas të cilëve Prokurori i Përgjithshëm nuk ka hetuar për veprimin e një dëmi financiar të shkaktuar nga drejtori i televizionit shqiptar, dëm i konstatuar prej 1.3 milion dollarësh nga Kontrolli i Lartë i Shtetit në vitin 2004./tvklan.al

Gazetare: Sonila Agostini

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть