changapuzha krishnapilla daughter ajitha story
special thanks for - meera alex
#STORYMAKERPHOTOGRAPHY

ഇടപ്പള്ളിയിലെ ചങ്ങമ്പുഴ പാർക്കിൽ കവിയുടെ ജന്മവാർഷികവും ചരമവാർഷികവും ആഘോഷങ്ങളാകുമ്പോൾ ദുരിതങ്ങളുടെ തോരാമഴയിൽ നനഞ്ഞ് തീർന്ന മകൾ അജിതയും കുടുംബവും പോയ കാലത്തിന്റെ ദുരന്ത സ്മൃതികളിൽ പോലും അവശേഷിക്കാതെയായി. ഇ ടപ്പള്ളി ചങ്ങമ്പുഴ പാർക്കിൽ കവിയുടെ 78-ാം ജന്മവാർഷികം ആഘോഷിച്ചു കൊണ്ടിരിക്കുമ്പോൾ 1989 ഒക്ടോബർ 10 നാണ് പെരുമ്പാവൂരിലെ കോടനാട്ടെ വീട്ടിൽ ഗ്രാമത്തിലെ ജനങ്ങളെ സങ്കട കടലിലേക്കെറിഞ്ഞ് ചങ്ങമ്പുഴയുടെ മകൾ അജിത( 45 ) ഭർത്താവ് സുകുമാരമേനോൻ (50) മക്കളായ സുധീർ (24) മായ ശ്രി (19) എന്നിവർ ആത്മഹത്യ ചെയ്തത്.ജന്മസിദ്ധമായി ജീവിതത്തിലേക്ക് പരന്നൊഴുകിയവ്യഥിതശ്രുതികൾ പെരുമഴയുടെ പിഴച്ചതാളം പോലെ കവി പുത്രിയുടെ ഹൃദയത്തിലും അലകളുയർത്തി.

സ്വന്തം ജീവിത പ്രാരാബ്ധങ്ങളിൽ പെട്ടുഴലുകയായിരുന്ന സഹോദരൻ ശ്രീകുമാറിനും പ്രിയ അനുജത്തി ലളിതയ്ക്കും ഏറ്റെടുക്കാനാവാത്ത വിധം സങ്കീർണ്ണമായിരുന്നു അജിതയുടെ ഭർത്താവ് വരുത്തിക്കൊണ്ടിരുന്ന ബാധ്യതകൾ
ഒരിക്കൽ ലളിത അജിതയ്ക്ക് നൽകിയ ഉയരം കുറഞ്ഞ നായയായിരുന്നു അവർക്ക് പലപ്പോഴും സന്തോഷം പകർന്നിരുന്നത്. അവർ അതിനെ തൗക്കള എന്ന് പേരിട്ട് വളർത്തി. മരിച്ചു പോയ മകൻ മധുവിന്റെ ഓർമ്മ പുതുക്കൽ പോലെ അവരതിനെ ഓമനിച്ചു. മക്കൾ പഠിക്കാനും പഠിപ്പിക്കാനുമായി വീട്ടിൽ നിന്നു പോകുമ്പോൾ എല്ലാ സങ്കടങ്ങളും തൗക്കളയോടായിരുന്നു പങ്കുവച്ചിരുന്നത്.കടങ്ങൾ ദിനംപ്രതി പെരുകിവരുകയും ദാരിദ്രം കോടമഞ്ഞിന്റെ വേഗതയിൽ പരക്കുകയും ചെയ്തപ്പോൾ അവരോടൊപ്പം തൗക്കളയും പട്ടിണിയിലായി.അവന്റെ കഴുത്തിൽ തുരുമ്പിച്ചു തുടങ്ങിയ ചങ്ങല ഊരിമാറ്റി വിശപ്പടക്കാൻ പുറം ലോകത്തേക്ക് തുറന്നു വിട്ടു.അവനൊരു തെണ്ടി പട്ടിയായി കവലകൾ തോറും വീടുകൾ തോറുമലഞ്ഞു നടന്നു. ആരൊക്കെയോ കല്ലെറിഞ്ഞ് കാലുകൾക്ക് പരിക്കേൽപ്പിച്ചു. ആരെക്കണ്ടാലും വാലാട്ടി പുറം കാലുകൾ മടക്കി നിൽക്കുന്ന തൗക്കളയുടെ ദൈന്യഭാവങ്ങൾ ആരുടേയും മനസ്സലി യിപ്പിച്ചിരുന്നില്ല. ചോറിൽ കുപ്പിച്ചില്ല് പൊടിച്ചിട്ട് ആരോ അവന് നൽകി. ഒരു സന്ധ്യയിൽ മുറ്റത്ത് വന്ന് ദയനീയമായി ഓരിയിടുന്നതൗക്കളയെ നോക്കിയപ്പോൾ അവൻ രക്തം ഛർദ്ദിച്ച് നിൽക്കുകയായിരുന്നു. കുടിക്കാൻ വെള്ളം കൊടുത്തും, ശരീരം തടവികൊടുത്തും അവനെ രക്ഷപ്പെടുത്താനുള്ള വേവലാതികൾ തുടരുമ്പോഴും അജിതയുടെ ഹൃദയത്തിലെ തേങ്ങലുകളുടെ കടലിരമ്പം വർദ്ധിച്ചു. അവൻ സമീപത്തുള്ള പെരിയാർ തീരത്തേക്ക് ഓടാൻ ശ്രമിച്ചെങ്കിലും പാതിവഴിയിലെ തൊടിയിൽ വീണ് പിടഞ്ഞു. അവന്റെ ജീവന് വേണ്ടിയുള്ള അവസാന പിടച്ചിലുകളും നിലച്ചപ്പോഴാണ് അജിത പിന്തിരിഞ്ഞത്. തൗക്കളയുടെ വേർപാട് അജിതയുടെ ഹൃദയത്തിൽ രൗദ്രതാളം പകർന്നു. സന്തോഷങ്ങളില്ലാത്ത രാപകലുകളിൽ സങ്കടങ്ങൾ മഴക്കാറ്റു പോലെ അവരുടെ മനസ്സിൽ ആശങ്കകളുണർത്തി. താളം പിഴച്ച ശ്രുതികൾ കൊടുങ്കാറ്റായി മനസ്സിൽ ചിറകടിക്കുമ്പോഴും മക്കൾക്കായി ജീവിതം സമർപ്പിക്കണമെന്ന് വെറുതെ ആഗ്രഹിക്കാറുണ്ടായിരുന്നു.പക്ഷെ എല്ലാം പതിരു പോലെ കാറ്റിൽ പറന്നു.

1989 ഓക്ടോബർ 10 ന് കവിയുടെ എഴുപത്തി എട്ടാം ജന്മദിനം ഇടപ്പള്ളിയിലെ ചങ്ങമ്പുഴ പാർക്കിൽ ആഘോഷിക്കുമ്പോൾ അതിൽ പങ്കെടുക്കണമെന്ന് അവർക്ക് ആഗ്രഹമുണ്ടായിരുന്നു.അമ്മയേയും അനുജത്തിയേയും സഹോദരനേയും കണ്ട് സങ്കടങ്ങൾ പറയണം. അതിനായി അവർവണ്ടിക്കൂലിയ്ക്ക് പണത്തിനു വേണ്ടി ഒരാഴ്ചയായി ശ്രമം തുടങ്ങിയിരുന്നു. ആരുടേയും കൈയ്യിൽ പണമുണ്ടായിരുന്നില്ല. അല്ലെങ്കിൽ പണം കടം കൊടുക്കാൻ മടി കാണിച്ചിരുന്നു. ഒടുവിൽ തൊട്ടടുത്തുള്ള കോളനിയിലെ വൃദ്ധ പ്ലാസ്റ്റിക് കവറിൽ നിധിപോലെ സൂക്ഷിച്ചിരുന്ന 20 രൂപ കടം നൽകി. അത് അവരുടെ അന്ത്യയാത്രയ്ക്ക് തുടക്കമായി. കടമായി കിട്ടിയ 20 രൂപ കൊണ്ട് അവർ പെരുമ്പാവൂർ ക്ക് വണ്ടി കയറി.കൂടെ മകൾ മായ ശ്രിയുമുണ്ടായിരുന്നു. ടൗണിൽ നിന്ന് വിഷവും വാങ്ങി തിരികെ വീട്ടിലേക്ക് വന്നപ്പോൾ അരുതെന്ന് പറയാൻ ആരും തന്നെയുണ്ടായിരുന്നില്ല. മക്കൾക്ക് പോലും ജീവിതത്തിൽ നിന്ന് ഒളിച്ചോടാൻ ധൃതിയായിരുന്നു.അമ്മയും രണ്ടു മക്കളും അവസാനത്തെമരണക്കുറിപ്പെഴുതി പോസ്റ്റു ചെയ്തു.അജിത സഹോദരി ലളിതയ്ക്കും മകൻ സുധീർ ബന്ധുക്കൾക്കും സുഹൃത്തുക്കൾക്കും, മകൾ മായ ശ്രി ലോകത്തുള്ള എല്ലാ അച്ഛന്മാർക്കുമുള്ള സന്ദേശമായിട്ടാണ് കത്തെഴുതി പോസ്റ്റു ചെയ്തത്.
ഭർത്താവ് സുകുമാരമേനോനും പ്രത്യേകകത്തെഴുതി ഭക്ഷിച്ചു കഴിഞ്ഞ വിഷപാത്രത്തിനടിയിൽ കാണാവുന്ന വിധം വച്ചു.ഞങ്ങൾ മധുവിന്റെ അടുത്തേക്ക് പോകുന്നു. നിങ്ങൾക്ക് വേണമെങ്കിൽ ഞങ്ങളോടൊപ്പം ചേരാം എന്നായിരുന്നു കുറിപ്പ്. എത്രയും പ്രിയപ്പെട്ട അനുജത്തി ഞങ്ങളോട് പൊറുക്കുക.കഴിഞ്ഞ 25 വർഷമായി ഞാൻ കഷ്ടപ്പാടും ദുരിതവും അനുഭവിക്കുകയാണ് ജീവിതം കൊണ്ടി നി ഭാഗ്യപരീക്ഷണത്തിനില്ല. ഞാനും മക്കളും മരിച്ചു പോയ എന്റെ മകൻ മധുവിന്റെ അടുത്തേയ്ക്ക് പോകുന്നു. മരിക്കും മുമ്പേ അനുജത്തി ലളിതയ്ക്ക് എഴുതി പോസ്റ്റു ചെയ്ത യാത്രാമൊഴികളായിരുന്നു ഈ വരികൾ. സുധീർ ചുവന്ന മഷിയിൽ സുഹൃത്തുക്കൾക്കും ബന്ധുക്കൾക്കും കത്തെഴുതി. ഈ കത്ത് കിട്ടുന്നതിന് മുമ്പ് ചില സംഭവങ്ങളൊക്കെ കേട്ടിരിക്കും. കുറ്റപ്പെടുത്തിയേക്കാം എന്നാൽ ഇതല്ലാതെ വേറെ വഴിയില്ല. ഏതാണ്ട് വലിയ തുക കട മുണ്ട്. നാളെയാണ് പറഞ്ഞതീയതി. കൊടുക്കാനാവുകയില്ല. എല്ലാം കേവലം മിഥ്യയായി കാണുക പഴയ സ്നേഹിതനെ മറന്നേക്കുക. ഇതായിരുന്നു അവന്റെ അവസാനത്തെ കത്ത്.മായ ശ്രി കൂട്ടുകാരികൾക്കയച്ച കത്തിൽ എല്ലാ പിതാക്കൾക്കുമുള്ള സന്ദേശമായിട്ടാണ് മരണമൊഴി രേഖപ്പെടുത്തിയത്. ഇത് പുറം ലോകം അറിയണമെന്നും കത്തിൽ ആഗ്രഹം പ്രകടിപ്പിച്ചിട്ടുണ്ട്. ഇടപ്പള്ളി രാഘവൻപിള്ളയുടെ ആത്മഹത്യ മൂലമുണ്ടായ നൊമ്പരങ്ങൾ ഏറ്റുവാങ്ങി മലയാളത്തെ മുഴുവൻ കരയിപ്പിച്ച മഹാകവി ചങ്ങമ്പുഴ കൃഷ്ണപിള്ളയുടെ മകളും അവരുടെ കുടുംബവും പകലെരിഞ്ഞു തീർന്ന ഏതോ സമയത്ത് മരണത്തെ പുൽകി.

-~-~~-~~~-~~-~-
Please watch: "ശ്രീ ഡാർവിൻ പിറവം മനസ്സ് തുറക്കുന്നു l Mr. Darvin Piravom l founder of Snehaveed l speaks openly"
[ Ссылка ]
-~-~~-~~~-~~-~-

свернуть