Ազգային ժողովի փոխնախագահ Ռուբեն Ռուբինյանի աշխատասենյակում «Քաղաքացիական պայմանագիր» կուսակցության ներկայացուցիչները դաշնակցական երիտասարդներին, որոնք պատգամավորների օգնականներ են, «հաշիվ մաքրելու» են կանչել, ինչից հետո ծեծկռտուք է սկսվել:
Այս մասին գրում է Armlur.am-ը, ում տեղեկություններով՝ ամեն բան սկսվել է այն բանից հետո, երբ երիտասարդները ԱԺ «Քաղաքացիական պայմանագիր» խմբակցության պատգամավոր Հրաչյա Հակոբյանի բարևին չեն պատասխանել:
«Հայաստան» դաշինքից կայքին փոխանցել են, որ «ռազբորկայի» մասնակիցների մեջ են եղել իշխանական պատգամավորներ Հրաչյա Հակոբյանը, Վահագն Ալեքսանյանը, Սիսակ Գաբրիելյանն ու գուցե այլոք:
ՔՊ-ական պատգամավորներն իրենց օգնականների հետ միասին մոտ 30 հոգով են եղել ու հարձակվել «Հայաստան» խմբակցության պատգամավորների 3 օգնականների վրա: Ըստ տեղեկությունների՝ պատգամավոր Գեղամ Մանուկյանի որդու աչքն է վնասվել։
#asekose #news
