Tre persona mbetën të vrarë me armë zjarri në mbikalimin e Fushë Krujës nga një atentat mafioz. Diklen Vata 30 vjeç është një nga viktimat e identifikuar pasi dy të tjerët janë shkrumbuar tërësisht për shkak se makina e tyre shpërtheu në flakë nga të shtënat me armë. Klan News raporton se dy viktimat e tjerë janë Besmir Hoxha dhe Brilant Martinaj.
Me precedentë penalë rezultojnë edhe dy viktimat e tjera, Hoxha dhe Martinaj. Gazetarja Bleona Metushi raporton se Brilant Martinaj disa muaj më parë ka qenë i dyshuar për atentatin ndaj efektivit të policisë, Xhuljano Prela, në qytetin e Lezhës. Për këtë ngjarje hetimet u pushuan, ndërkohë që rezulton person i skeduar nga policia. Gazetarja thotë më tej se edhe Besmir Hoxha rezulton i njohur për policinë dhe i skeduar në rrugë operative si person që ka pasur kontakte me individë të përfshirë në çështje të drogës, e armëmbajtjes në kryeqytet.
Ndërkohë policia ka njoftuar se nga krehja e zonës, në fshatin Larushkë është gjetur duke u djegur një automjet tip “Volkswagen Passat” që dyshohet se është i autorëve. Në brendësi të automjetit është konstatuar një armë zjarri automatike që dyshohet se është përdorur nga autori/ët për të kryer krimin.
Në ndihmë të Policisë vendore kanë shkuar grupe të FNSh Tiranë dhe janë ngritur pika kontrolli nga DVP Tiranë e Lezhë. Grupi hetimor po punon për sqarimin e rrethanave të ngjarjes dhe identifikimit të autorëve./tvklan.al
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
