Oktyabr ayının 5-də Ağdam şəhərində ilk dəfə Milli Şəhərsalma Forumu keçirilmişdir. Forumun əsas məqsədi şəhərsalma və inkişaf mövzusunda, xüsusən Qarabağ həqiqətlərinin dünya ictimaiyyətinin bir daha diqqətinə çatdırılması və işğaldan azad edilmiş ərazilərdə BMT-nin Dayanıqlı İnkişaf Məqsədlərinin icra səviyyəsinin müzakirəsi idi. Tədbirdə həmçinin, bərpa və quruculuq işləri ilə bağlı ölkəmizin əldə etdiyi mühüm nailiyyətlər, bu istiqamətdə beynəlxalq təşkilatlar və digər dövlətlərlə müvafiq təcrübə mübadiləsinin aparılması və zəruri əməkdaşlıq əlaqələrinin daha da dərinləşdirilməsi kimi mövzular müzakirə olunmuşdur.

Məmnuniyyət hissi ilə bildirmək istərdik ki Azərbaycan Respublikasının Dövlət Şəhərsalma və Arxitektura Komitəsi tərəfindən təşkil olunmuş forumda PMD də iştirak etmişdir. PMD olaraq Ağdam şəhərinin dirçəlişinə öz töhfəmizi verməkdən qürur duyuruq və bu istiqamətdə aparılan fəaliyyətlərdə fəal iştirak etməyə çalışırıq.

свернуть