قصيدة الموت
لااله الا الله والحبيب رسول الله
***من العشرا للعشرين
وانا نعاني نتاجي وين
برضاية الوالدين
وانا زاهي في الدنيا
****كبرت ولحقت التلاثين
ثم حساب الوالدين
صدق جمعة ولثنين
توصل ليهم هاديا
****كبرت ولحقت الربعين
يانفسي ماعندك وين
غرك الملعون الشين
غاراتك دار الدنيا
****كبرت ولحقت الخمسين
شاب الراس وشوف العين
نحمد رب العالمين
هذا خالقو ماولانا
****كبرت ولحقت الستين
عواج ظهري مع الرجلين
نحمد رب العالمين
هذا خالقو ماولانا
****كبردت ودركت السبعين
مابقى ضرس ولا سنين
لحڨ لمرض لعضايا
وياربي الطف بيا
****نمرض فوق فراشي زين
شهدلي قاري الستين
وسيادي طلبا ملمومين
يباتو ياقراو علي
****كي جاوني العزايين
قالو ياربي مسكين
يبكو ذاك الباكي حنين
هذا حدي من الدنيا
****كي جاوني الغسالين
قلعو ثوبي ذاك الشين
وكساوني بكتاتين
لاحد يطل علي
****رفدوني فوق عمودين
صادو بيا عاجلانين
بالبردة وصوت حنين
هاذي هي الفانية
****داروني في اللحد الزين
زادو علي تراب حنين
تلفتت ماعندي وين
وقعت ظلمة قاوية
**** كي جاوني المالكين
جبدولي كتابي فلحين
مكتوب على خاطرتين
فيه السيئة والحسنة
****طريق الصراط يامسكين
شعر لموس يحير العين
يفوتو عيطا مومنين
قاهر نفسو في الدنيا
****ويحك ياسباب الدين
ويحك ياعاصي الوالدين
غرك الملعون الشين
وداتك دار الدنيا
![](https://s2.save4k.ru/pic/iFHHV2oKZRQ/mqdefault.jpg)