Қазақстандағы ең қымбат шоумен, танымал әзілкеш Тұрсынбек Қабатовтың басы тағы да дауға қалды. Бұл жолы оның мектепті алтын белгіге бітірген қызы Әдемі Аманғалидың орнына ҰБТ-ға басқа адамның кіргені анықталды. Бұл фактіні Тұрсынбек Қабатовтың өзі де мойындап отыр. Бірақ, қызымның мұндай қадамға баруына соңғы бір жыл білім алған оқу орталығы кінәлі дейді. Ал Білім және Ғылым министрлігінің өкілдері тергеудің жабық жүріп жатқаны үлкен күдік тудырып отырғанын айтады.
Қызы алтын белгімен мектепті тәмамдағанда бөркін аспанға лақтырған Тұрсынбек Қабатов әлеуметтік желіде дәл осы суреттерді жүктеп, алдағы ҰБТ-да қуанышымызды еселейтініңе сенімідіміз деген жазба қалдырып еді.
Бірақ, Әдемі Аманғали сынақ тапсырмай жатып, тест орталығынан шығарылды. Оқиға 13 маусым күні болғанымен, дау заңгер Абзал Құспан пост жазғаннан кейін бірақ көтерілді.
АБЗАЛ ҚҰСПАН, Заңгер:
– Барлық Республика бойынша осы болып жатқан заң бұзушылық фактілеріне қылмыстық іс қозғалып, қылмыстық жауапкершілкке тартып, ата-аналарын да, балаларын да, басқа да ұйымдастырушыларды артында тұрса анықталып, міндетті түрде өзінің логикалық аяғына дейін жеткізілуі керек.
Қабатов сәуір, мамыр айларында бірнеше рет тест тапсырып көрген қызының 60 баллдан артық жинамағанын ашық айтты. Дәл қазір сұхбат бере алмаймын деген ол, жалғыз менің қызым кінәлі емес дейді. Пандемияның кесірінен офлайн мектепке барып оқысын деген оймен жеке меншік мектепке бергеніміз қателік болды деп отыр. Өйткені, қызының орнына бөтен біреудің тест тапсырып шығуын дәл осы орталықтың өзі ұйымдастырғанын айтады.
Сөзінше, қызы орталықтың мұндай әрекетке баратынын тестілеуге кірген кезде білсе де, ата-анасынан жасырып қалған. Ал Нұр-Сұлтанның полиция департаменті қылмыстық істі білім ошағына, Қабатовтың қызына емес, тестілеуге оның орнына кірген адамның үстінен қозғапты.
Қабатовтың қызымен бірге полиция тағы 3 оқушының анықталғанын айтты. Барлығы да компьютерге отырып, тест тапсырар сәтте ұсталған. Ұлттық тестілеу орталығының бұрынғы директоры Дидар Смағұл да, осы жолы полицияға сеңкіремейтінін айтып отыр. Өйткені, тергеу жабық өтіп жатыр екен.
ДИДАР СМАҒҰЛОВ, ҚР білім және ғылым министрінің штаттан тыс кеңесшісі:
– Кіргізу кезінде face id бар, екінші кезде адам жеке куәлікті көреді. Үшінші кезекте камераның face id болады. Сол үшінші кезеңде балаға логин-пароль берген уақытта біздің қызметкерлеріміз оны анықтады. Балаларды қолында екі куәлігі бар.
Дидар Смағұл, баланың мұндай әрекетке баратынын ата-ананың білмеуі мүмкін емес екенін айтады. Өйткені, осындай қызметті ұйымдастырып беретіндер 1 миллион теңгеден жоғары ақы сұрайтынын жақсы білеміз дейді. Ал Қабатовтың қызының орнына Еуразия Ұлттық Университетінің екінші курс студенті Сымбат Қанай екенін заңгер Абзал Құспан сенімді ақпарат көзінен білдім деп жазғанымен, университет тарапы мұндай студенттің мүлдем жоқ екенін айтып отыр. Ал Тұрсынбек Қабатов оқу орталығы өкілінің телефон арқылы кешірім сұрап жатқан аудиосын өзінің инстаграм парақшасында жариялады.

Әйгерім Ердәулет













Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#ТұрсынбекҚабатов #дау #ӘдеміАманғали #ҰБТ

свернуть