Şeir: Cabir Novruz - Sən elə bir vaxtda rast gəldin mənə
Səsləndirmə: Əminə Yusifqızı
Musiqi: Ələkbər Tağıyev - Sən gəlməz oldun

Biraddımla'ya YouTubeda abunə olmaq: [ Ссылка ]

Biraddımla'nın sosial şəbəkə ünvanları:
Instagram: [ Ссылка ]
Facebook: [ Ссылка ]
TikTok: [ Ссылка ]
Telegram: [ Ссылка ]
E-poçt: biraddimlayol@gmail.com

CABİR NOVRUZ - SƏN ELƏ BİR VAXTDA RAST GƏLDİN MƏNƏ

Sən elə bir vaxtda rast gəldin mənə,
Qurumuş bulağam, bulanmış suyam...
Sən elə bir vaxtda rast gəldin mənə,
Oxunmuş nəğməyəm, çalınmış toyam.

Nə gücüm çatdı ki, səndən yapışım,
Nə gücüm çatdı ki, səndən qaçam mən...
Nə odum oldu ki, yanam, alışam,
Nə sehrim oldu ki, cavanlaşam mən...

Sən elə bir vaxtda rast gəldin mənə,
Ömrün payız vaxtı, xəzəl çağıydı...
Sən elə bir vaxtda rast gəldin mənə,
Sənin gəncliyinin gözəl çağıydı...

Nə deyə bildim ki, tutmaz sevdamız,
Nə deyə bildim ki, tuta bizimki...
Bizimdir səmada axan o ulduz,
O uzaqda itən qatar bizimdir...

Sən elə bir vaxtda rast gəldin mənə,
Dayanıb durmuşdum yol ayrıcında...
Sən elə bir vaxtda rast gəldin mənə,
Bir üzüm cavandı, bir üzüm qoca...

Nə deyə bildim ki, sevən çağımdı,
Nə dedim sevirəm, mənə dayaq ol...
Nə deyə bildim ki, mənə yaxın dur,
Nə deyə bildim ki, məndən uzaq ol...

Sən elə bir vaxtda rast gəldin mənə,
Ömrün eşq badəsi içilmiş idi...
Sən elə bir vaxtda rast gəldin mənə,
Mənzilimin çoxu keçilmiş idi...

Nə deyə bildim ki, ürəksən mənə,
Nə deyə bildim ki, ürək deyilsən...
Nə deyə bildim ki, gərəksən mənə,
Nə deyə bildim ki, gərək deyilsən...

Sən elə bir vaxtda rast gəldin mənə,
Bu necə fəsildi, necə vaxt idi...
Sən bir vaxtda rast gəldin mənə,
Bu necə taleydi, necə bəxt idi...

Nə deyə bildim ki, pənahsızam mən,
Nə deyə bildim ki, pənah məndədir...
Nə deyə bildim ki, günahsızam mən,
Nə deyə bildim ki, günah məndədir...

Sən elə bir vaxtda rast gəldin mənə,
Özüm öz halıma gülmək istədim...
Sən elə bir vaxtda rast gəldin mənə,
Təzədən dünyaya gəlmək istədim...

Elmira Axundova:
“70-ci illərin axırlarında mən Yazıçılar İttifaqında işə başladım və orada bu böyük şairlə - Cabir Novruzla tanış oldum. Cabir Novruz 1971-ci ildən Yazıçılar Birliyinin katibi vəzifəsində işləyirdi. Mən də İmran Qasımovun, bir qədər sonra isə Mirzə İbrahimovun köməkçisi kimi Cabir müəllimlə tez-tez ünsiyyətdə olur, onunla əməkdaşlıq edirdim.
O, həyatda çox yumşaq, mülayim, hətta utancaq bir insan idi. Yadımdadır, Yazıçılar İttifaqına və bizim qəbul otağımıza çox sakit, sanki utana-utana, boynu bükülü gələrdi. Bu da onun poeziyası ilə paradoksal kontrast təşkil edirdi, çünki şeir deyərkən, geniş auditoriya qarşısında çıxış edərkən o, əsl tribuna çevrilirdi. Lakin işçilərlə ünsiyyətdə o, tam başqa bir xüsusiyyətlər nümayiş etdirirdi. Yəni hədsiz təvazökarlıq və mülayimlik.
O, elə sakit davranırdı ki, biz hərdən tərəddüd edirdik: "Cabir Novruz iş yerindədir, ya gedib". Və birdən içəridən şeir misralarını eşidirdik, diqqətlə qulaq asanda başa düşürdük ki, bu, Cabir Novruzun səsidir. Yəqin ki, ilhama gələrək şeir misralarını hafizəsində saxlamağa və kağıza köçürməyə tələsirdi. Ona görə də, onları ucadan səsləndirirdi. Bu, çox maraqlı məqamlar biri idi”.
#cabirnovruz #səneləbirvaxtdarastgəldinmənə #əminəyusifqızı #cabirnovruzseirleri #cabirnovruzyaradıcılığı #emineyusifqizi #ələkbərtağıyev #səngəlməzoldun #şeir #şair #poeziya #ədəbiyyat #şeirlər #şeirlərimiz #şeirlərdənparçalar #şairlərdənsözlər #şairler #seir #sair #biraddimla #biraddimlayol

свернуть