Koreja e Veriut për herë të parë tregoi imazhet e centrifugave që prodhojnë karburant për bombat e saj bërthamore, të premten, ndërsa udhëheqësi Kim Jong Un vizitoi një strukturë të pasurimit të uraniumit dhe bëri thirrje për më shumë materiale të shkallës së armëve për të rritur arsenalin. Raporti i medias shtetërore për vizitën e Kim Jong un në Institutin e Armëve Bërthamore dhe në një bazë prodhimi për materiale bërthamore të shkallës së armëve u shoqërua me fotot e para të centrifugave, duke ofruar një vështrim të rrallë brenda programit bërthamor të Koresë së Veriut, që është i ndaluar nga Kombet e Bashkuara. Fotot treguan Kim duke ecur mes rreshtave të gjatë të centrifugave metalike, makinerive që pasurojnë uraniumin. Raporti nuk e bëri të qartë se kur ndodhi vizita dhe as vendndodhjen e objektit. Kim u kërkoi punëtorëve të prodhojnë më shumë materiale për armët taktike bërthamore, duke thënë se arsenali bërthamor i vendit është jetik për përballimin e kërcënimeve nga Shtetet e Bashkuara dhe aleatët e saj.
Armët nevojiten për "vetëmbrojtje dhe për të garantuar aftësinë për një sulm parandalues", tha ai. Udhëheqësi i Koresë së Veriut tha se "kërcënimet bërthamore kundër vendit" nga "forcat vasale të udhëhequra nga imperialistët e SHBA" kanë kaluar vijën e kuqe. Koreja e Veriut besohet se ka disa vende për pasurimin e uraniumit. Analistët thonë se imazhet komerciale satelitore kanë treguar ndërtime në vitet e fundit në Qendrën kryesore të Kërkimeve Shkencore Bërthamore në Yongbyon, duke përfshirë fabrikën e pasurimit të uraniumit, cka edhe sugjeron një zgjerim të mundshëm. Uraniumi është një element radioaktiv që ekziston në natyrë. Për të prodhuar lëndë djegëse bërthamore, uraniumi i papërpunuar i nënshtrohet proceseve që cojnë në një material me një përqendrim të shtuar të izotopit të uraniumit-235.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Bomabat#Berthamore

свернуть