[ Ссылка ] Վեց տարի առաջ` 2007 թվականի մայիսի 25-ին, մահացավ այդ ժամանակվա վարչապետ Անդրանիկ Մարգարյանը:
Վերջինիս մահն անսպասելի էր ու շատերի մոտ զարմանք առաջացրեց այն իմաստով, որ քաղաքական դասավորության տեսանկյունից «ճիշտ» պահին տեղի ունեցավ: 2007 թվականի գարնանը, երբ իշխանության կուլիսներում քննարկվում էր Ռոբերտ Քոչարյանի ժառանգորդի հարցը, երկու տարբերակ էր քննարկվում` Սերժ Սարգսյան եւ Վարդան Օսկանյան:
Անդրանիկ Մարգարյանին` որպես ՀՀԿ ղեկավարի եւ վարչապետի, վերապահված էր բուֆերի դեր կատարել այս երկու գործիչների միջեւ: Սպասվում էր, որ 2007 թվականի խորհրդարանական ընտրություններից հետո` աշնանը, վերջնականապես կլուծվի իշխանության ժառանգորդի հարցը:
Չէր բացառվում նաեւ այն, որ Վարդան Օսկանյան-Սերժ Սարգսյան դիլեման այդպես էլ չլուծվեր եւ Անդրանիկ Մարգարյանը շատ անսպասելի դառնար կոմպրոմիսային ֆիգուր բոլորի համար: Հենց այստեղ էլ զարմանալի պատահականությամբ նա մահացավ: Արդյունքում, ժառանգորդի խնդրի լուծումը դարձավ տեխնիկան հարց, քանի որ Անդրանիկ Մարգարյանի տեղը զբաղեցրեց պաշտպանության այն ժամանակվա նախարար Սերժ Սարգսյանը:
Իսկ 2007 թվականի խորհրդարանական ընտրություններում ՀՀԿ-ի հաջողությունը այն ժամանակվա նախագահ Ռոբերտ Քոչարյանին ստիպեց, որ նա վերջնականապես հաշտվի այդ մտքի հետ: Ի դեպ, շատերն են նշում, որ Սերժ Սարգսյանի առանձնահատուկ հակակրանքը առ Վարդան Օսկանյան գալիս է հենց այդ ժամանակներից:
Վերհիշելով 2007 թվականի մարտը` կարող ենք արձանագրել, որ Անդրանիկ Մարգարյանի մահը Սերժ Սարգսյանի առջեւ բացեց դեպի նախագահ տանող ճանապարհը:
Արտակ Հակոբյան
Ещё видео!