Biznesmeni 43-vjeçar Ruzhdi Hoxha, që u gjet i vrarë të shtunën dhe kishte dy javë i zhdukur, është qëlluar me dy plumba, një në qafë dhe një në gjoks. Ky është përfundimi i ekspertizës, pas këqyrjes së trupit të viktimës pranë mjekësisë ligjore.
Për grupin hetimor, rrethanat e vrasjes së 43-vjeçarit Hoxha që u gjet në greminë në Qafë Mollë në zonën e Dajtit, janë ende të paqarta, për sa kohë nuk është siguruar ende dëshmia e të dyshuarit kryesor për këtë krim, Fredi Rrushi. Të dielën, policia e Tiranës do ti komunikojë akuzën Fredi Rrushit, shokut të viktimës, për vrasje me paramendim. Ndërkohë pas komunikimit të akuzës, 43-vjeçari do të merret në pyetje, nën cilësinë e personit të dyshuar për vrasjen e shokut të tij.
Grupi hetimor gjithashtu ka zbuluar itinerarin e lëvizjes së autorit dhe të viktimës, para momentit të ngjarjes. Fredi Rrushi telefonoi mikun e tij Ruzhdi Hoxha 4 herë pasditen e 20 tetorit, por ky i fundit nuk i është përgjigjur. Më pas ai ka telefonuar një prej personave që ndodhej në tavolinë me Hoxhwn dhe kontaktoi me të.
Në orën 23:00 dyshohet se Rrushi ka marrë në makinë viktimën, në të cilën ishin edhe dy persona të tjerë, të cilët zbritën nga makina, ndërsa autori dhe viktima vazhduan rrugën drejt Dajtit, aty ku ai dhunoi, qëlloi dhe hodhi në greminë mikun e tij. Pas krimit të rëndë, autori i dyshuar ka zbritur nga Qafa e Mollës në orën 3:00 të mëngjesit, ndërsa ka hedhur edhe telefonin e viktimës, pranë zonës së Shkollës së Bashkuar. Më pas ai është kthyer prapë në të njëjtën rrugë në orën 06.00. Pistat kryesore të hetimit për vrasjen e biznesmenit Ruzhdi Hoxha dyshohet se janë borxhet dhe çështje që lidhen me drogën, por parcela me kanabis e gjetur në Qafë Mollë nuk lidhet me Ruzhdi Hoxhën.
Fredi Rrushi u vu në pranga pasi u mor në pyetje për zhdukjen e biznesmenit, ku rezultoi se kërkohej nga shteti italian për trafik droge. Por ekstradimi i tij tashmë është pezulluar, pasi pritet që të hetohet me akuzën e vrasjes.
Klan News
#RuzhdiHoxha #FrediRrushi #VrasjaebiznesmenitnëDajt
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
