ياعزيز والمباني على ساسن عزاز
لايجيك الشك لوكان واحد في الميه
ولاتقول انت متغير وجا فيك انحياز
ماتغيرني طقوس الحياه الملهيه
مير فاقدلي محبين وربوعن عزاز
بيننا رفقه وسيره وجيره مبطيه
صيفو يم المهامل وانا يم الحجاز
نازلينن في ديارن مافيها تغطيه
والهواوي عرضتن للهيام ولنحاز
ولتوحد والشقاء والجروح المدميه
اتنشد واخر العلم عنهم في الجهاز
يوم شدو عن عدود الديار المسنيه
وصفو لي يم عرقن مداخيله غراز
دونهم ميتين كيلو ديارن مخليه
والمقاطع والمخاطر تراها ماتهاز
ماتبى الا راس قرمن يحب التضحيه
ولالقيت الفرصه اوميت فوق اخر طراز
واشلعه لاسجو اهل السمر والتسليه
والله انه مايوقف ولا يرخ القزاز
غير عند اللي حياتي وراها مشقيه
