* ملاحظة : نسخك للمحتوى او إعادة رفعه يعرض قناتك للاغلاق
‏mulahazat: nasakhak lilmuhtawaa 'aw 'iieadat rafaeah yuearid qanatik lilaighlaq

شيلة ؛ ( على قول اهل بغداد ) 🔥🔥 ..

كلمات الشاعر ؛
سليمان بن ساقه
اداء المنشد ؛
جفران بن هضبان و فهد بن فصلا

تصميم ؛
نواف البقمي | القناة الرسمية

الابيات :

خذتني بحور الشعر وانا على مركاي
ونزلت كل اهجوسي اللي على الدكه

وانا شاعرٍ ماني خيالي وعازف ناي
انا شاعرٍ يبعد بيوته عن الركه
.
اصب القوافي لين تاتي على معناي
مثل من يصمم بيته ابلكه ابلكه
.
وادور رفيقٍ مايهاب الخطر وياي
رفيقٍ من الايام ماتلحقه شكه
.
مشينا على اللي ماقوى قيمته مخباي
علامته تشبه عندنا ... حفة الدكه
.
شكل هيكله ماهو سفاري ولا هونداي
ومع طلعة العشّار مادق دفلكه
.
على ايديك مادوّر دركسونه الرماي
مشاويره ان طالت من الوادي لمكه
.
نبي نوصل اللي ضاح نوره علئ السراي
يزكيه راعى الحق لاقلت له زكه
.
محمد ولد سلطان باسمه يزين غناي
عليه الضوامي مثل هداج وابركه
.
على ابواب بيته خالف القالط المشاي
ورجال المرور تلوب وتنظم السكه
.
بعد قبلـة الله عنـدنا قبلة النصاي
عمود القبيله منكب عجيم فالصكه
.
لاقال المكوبر ماذكر فالبلد شرواي
تقول الرجال أليا جهلت الذهب حكه
.
جمعنا على عز وكرامة وشور وراي
ولا فيه بابٍ قدمنا مابعد فكه
.
ولد من يبيع النفس لاعين الشراي
لاقالوا له العجمان دك الجبل دكه
.
حفيد الشيوخ النادر الهليع الحماي
من اول ظهوره ماتواري ورى نكه
.
طويل الذراع الفارق المعطي النساي
ليا قلت عان الفقر قال ان قرب ذكه
.
عليه الثناء فى كل يومين رايح جاي
وعليه المدايح من هل الطيب مصطكه
.
شبيه الذي قفابه الموج عن مرساي
جفاه العقير ابموقفه والسجن ظكه
.
نداري عليه ونسبر الهارف العواي
ونياتنا من نية الترك مشتكه
.
على كبود ربعه كل ليله يرش الماي
ويدهن صدور اعداه وتروح منتكه
.
وعن سيرة الحثلين ماكذب الرواي
لاجاب العلوم الاوله بطل اكبكه
.
هل البيرق اللي ذاك منكف وذا غزاي
وهل البندق اللي فاللقا مابها لكه
.
تدوج ابلهم عرض البسيطه بلا حماي
ومن شاف وسمي الناجعي دور الفكه
.
فدا روسهم من لايقدر مسير خطاي
يشوف الرجال ويفتح الباب ويصكه
.
يسوق العذر قدام اسولف على دعواي
وانا خابر ان السمن فى داخل العكه
.
على قول اهل بغداد وش جاب هاي لـ هاي
جنيه الذهب مايشبه العمله السكه
.
ياحارس بيوت المال وقف على يسراي
وإلا زاد عمرك عام زكه الذهب زكه
.
انا شاعرٍ مايسمعون العرب شكواي
ادف الليالي دف واشري بدون اكه

لا جبت القصيده فـالقبيله وجبت اقصاي
دحمت الدروب اللي على الناس منلكه
.
قصيد الفخر بعوال عمي غرام مناي
ولا يزعل الا اللي كلت قلبه الشكه

لطلب التصاميم ؛
‏Whatsapp :
0535941516
‏Twitter :
‏[ Ссылка ]
‏Snap :
‏[ Ссылка ]

إشترك - إضغط على إعجاب - أضف تعليق - وأنشر المقطع .. لا أستغني عن دعمكم ..
‏Subscribe - Like

انتظروا كل ماهو جديد وحصري ..

свернуть