Жұт жайлап, малдары көтерем болған Маңғыстау облысындағы шаруалардың мәселесі шешілген жоқ. Бір түк шөпті 1800-2000 теңгеге сатып алып отырған халық жағдайдың тіпті қиындағанын айтады. Олар тіпті қымбатшылықтан қорадағы төрт түлік малдарын сатуға шығарып жатыр екен.
Маңғыстаудағы қуаншылық мал ұстап отырған шаруаларды шарасыз күйде қалдырды. Төрт түлік жазық даладан азық таппай, көтерім болып жатыр дейді. Ең сорақысы,жем-шөптің бағасының бірден аспандап кеткені мал ұстаған халыққа қиын тиіпті.
ЕСЕН ҚЫДЫРҰЛЫ, шаруа:
– Күніне он-он бес мың ақша кетеді осылардың жеміне. Бізге ешқандай көмек те не істеп жатқан жоқ ешкім. Бізге шөптің бағасын арзандатып 500 теңгеден әкеліп берсе, осы жерден сатса. Алып-сатарлар емес, кәдімгі үкімет бағасымен. Өзіміз сатып аламыз.
ҚОСҚАЛИ ТЫНДЫРҒАНОВ, белсенді:
– Қазіргі таңда шөптің бағасы тап бүгін осы 2000 теңге. Жемнің құны 1800-1900 теңге болып тұр. Өте қымбат. Осында сәтте қымбатсып кететіні қиын да. Үкіметтің бөлген ақшасы қайда екенін желілерге жазып, халық құлақтану керек.
Әкімдік пен министрлік бір түк шөпті 1300-1500 теңгеден сатып жатыр дейді. Шындығына келгенде шаруалар оны 2000 теңгеге сатып алып отырғандарын айтады. Халық шенділердің тілшілерге берген ақпараты шындыққа жақындамайтынына ызалы. Ал Маңғыстау облысының әкімдігі Ақтөбе облысынан 100 мың гектар жайылым жері берілетінін айтады.
АСЛАН СҮЙЕБАЕВ, Маңғыстау облысының ауыл шаруашылығы басқармасының мал шаруашылығы бөлімі басшысы:
– Облыс әкімінің орынбасырының төрағалығымен Ақтөбе облысына іссапарға барған болатын. Іссапар нәтижесінде Ақтөбе облысынан жайылымдыққа, шабындыққа уақытша 100 мың гектар жер берілетін болды.
Жұт жайлаған өңірдің шаруалары үшін басқа өңірдің жайылымына малын айдап апару тіпті тиімсіз. Үкіметтен де, әкімдіктен де көмек болмаған соң мал баққандар төрт түлігін сатуға шығарып жатыр.
Махаббат Нұржанқызы
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#жұт #қуаңшылық #Маңғыстау
