Ижтимоий тармоқларда ҳам кузатинг:
[ Ссылка ]
* * *
Қай маҳал алмашди бори осмонлар,
қуш эдик, ўлардик,
учмасак агар.
Ишқнинг фалагини истаган жонлар,
қулаб боравердик тубсиз дард қадар.
Юракнинг қатига беркинди ғамим,
ҳижрон ютиб кетди вох-додимизни,
дўнгликка алмашдик ҳаётимизни,
суйганим, азизим, борлиғим маним,
армонлар қайирди қанотимизни...
Фақат, бошим узра юлдузлар учди,
Ой учди...
ёлғизлик бизни танлади.
Бирдай юрагимни дард қилди талқин,
ғуссаю азобни бирдай англадим.
Осмон соғингайми бизни бир замон,
Биздек дўстларига ташнами, зорми,
Минглаб осмон аро учишга арзир —
Жоним, бахтларнинг ҳам осмони борми?!
30.3.2019
Раҳмат Бобожон
![](https://i.ytimg.com/vi/ioJPmzzqKPI/maxresdefault.jpg)