Shtatori nuk do të jetë një muaj i lehtë për liderët politik, teksa Shtetet e Bashkuara të Amerikës kanë paralajmëruar se nuk do të tërhiqen nga vendimi për të ndikuar tek liderët politik për cilësinë e Parlamentit të ardhshëm.
Në një editorial të gjatë, diplomatja amerikane Yuri Kim i ka kërkuar kryeministrit Rama dhe kryetarit të opozitës Basha të rishikojnë grupet e tyre parlamentare.
“Do të kërkojë që Edi Rama, Lulzim Basha, si dhe udhëheqës të tjerë të kontrollojnë listat edhe njëherë për t’u siguruar që kur të kthehen në parlament, njerëzit të mund të jenë krenarë për përfaqësuesit e tyre. Po ashtu, do të kërkojë që palët të ngrihen mbi interesat e tyre partiake dhe të gjejnë mënyrën për të arritur kompromis dhe për të bashkëpunuar me njëri-tjetrin për një kauzë më të lartë, për të ardhmen e Shqipërisë”, ka thënë Kim.
Pasi i kërkoi Lulzim Bashës, në selinë e Partisë Demokratike të largojë Sali Berishën nga grupi parlamentar, Yuri Kim tha se SHBA nuk do të tërhiqet nga vendimet e Presidentit Joe Biden dhe sekretarit Blinken.
“Për një kohë tepër të gjatë, korrupsioni është përdorur si armë nga aktorë shtetërorë dhe joshtetërore për të blerë politikanë, për të fituar kontrata, dhe për të ndërhyrë në proceset demokratike. Presidenti Biden dhe Sekretari Blinken e kanë bërë të qartë përmes fjalëve dhe veprimeve të tyre se lufta kundër korrupsionit është një përparësi e sigurisë kombëtare për Shtetet e Bashkuara. Duam një aleat që është i fortë, i aftë dhe i begatë. Duam një partner, jo një problem”, është shprehur ajo.
Por cila është forma që SHBA do të përdorin për të detyruar krerët e partive të marrin vendime të forta?
“Kolegët e mi dhe unë në ambasadën amerikane do të reflektojmë dhe planifikojmë për mënyrën më të mirë për të intensifikuar përpjekjet tona për demokracinë, mbrojtjen dhe biznesin. Shpresojmë që udhëheqësit e Shqipërisë – ata në pushtet dhe ata që shpresojnë të jenë në pushtet një ditë – po kështu do të reflektojnë dhe planifikojnë për të ardhmen, për një Shqipëri më demokratike, më të sigurt dhe më të begatë. Është koha që udhëheqësit të reflektojnë dhe të ndërmarrin veprime të guximshme. Është koha për udhëheqësit që të tregoni kush jeni dhe çfarë mendoni se meriton ky vend. Është koha për të udhëhequr”, ka thënë më tej Kim.
Në fund të editorialit të saj, diplomatja amerikane i kujton liderëve politike se gushti duhet të jetë një kohë për reflektim dhe planifikim për të parë nga e ardhmja. /abcnews.al/
Per informacionet me te fundit klikoni:
Web: [ Ссылка ]
Facebook: [ Ссылка ]
Instagram: [ Ссылка ]
Subscribe kanalin tone ne: youtube:[ Ссылка ]
#abcnews #abcnewsalbania
![](https://s2.save4k.ru/pic/iok54N-B75I/maxresdefault.jpg)