Өгей шешеден қорлық көрген үш қыздың әкесі теріс діни ағымды ұстанатыны белгілі болды. Бұл Облыстық полиция департаментінің мамандарының таратқан ақпараты. Түркістан облысы Жетісай қаласындағы жағдайдың бейне-жазбасы әлеуметтік желілерге таралып, қоғамның наразылығын тудырған еді. Өрімдей үш қызды қорлап келген өгей шешесі Қылмыстық Кодекстің «Азаптау» және «Кәмелетке толмағандарды тәрбиелеуде міндетін орындамау» баптары бойынша тергелуде. Сондай-ақ, тәртіп сақшылары таратқан хабарламада қыздардың әкесі деструктивті, яғни теріс діни ағымдағы азамат екендігі айтылған. Бұған дейін хабарлағанымыздай, өгей шеше үш қызды әбден қорлаған. Денелерін тістеуікпен қысып, пышақ тыққан. Тоңазытқышқа тыр жалаңаш отырғызып, жуынды ішкізген.

свернуть