Қашқадарёсувқурилишинвест ДМ томонидан тадбиркорни банкрот қилиш даражасига солиб қўйиш кимгингдур буйруғими?

Президентимиз иккита иш ўрни яратган тадбиркорни бошимга кўтараман деганлар. Қашқадарёсувқурилишинвест эса 500 га яқин яратилган иш ўринларини йўқ қилиш даражасига келтириб қўйди.

Яккабоғ қўрғони қурилиш инжиниринг компанияси МЧЖ томонидан Деҳқонобод сел сув омбори қурилиши ишлари беогиланган тартибди амалга оширилади. Қурилиш ишлари тендер асосида амалга оширилиб, шартномалар имзолангач, қурилиш ишларига учта жамият, 500 нафарга яқин ишчи хизматчилар, техника воситалари ва бошқалар жалб қилиниб, қурилиш ишлари жадал суратда олиб борилиб, 2022 йилда сел сув омбори қурилиши якунланиб, 2023 йил 8 апрелда тантанали очилиш маросими Хукумат раҳбарлари иштирокида бўлиб ўтиб, сел сув омбори тўлиқ ишга туширилган.

Буюртмачи ҳужжатлар тўлиқ расмийлаштирилмасдан, пудратчига шартнома асосида тегишли тўловлар тўлаб берилмаган, буни оқибатида пудратчи ва қолган жамиятлар банкрот ёқасига келиб қолган.

Буюртмачининг айбига кўра, пудратчи ташкилот ва унинг таъсисчисига қарашли учта жамиятга сал кам 50 миллиардга яқин зарар етказилганлиги Қашқадарё вилоят прокуратурасининг 14-майдаги талабномасига асосан ўтказилган ўрганиш юзасидан 2024 йил 21 май кунги маълумотномада батафсил кўрсатилган.

Деҳқонобод сел сув омбори қурилиш ишлари 2022 йилда якунланган бўлсада, пудратчининг бажарган ишлари учун буюртмачидан олиши лозим бўлган бирнеча миллиард сўм пуллари бугунгача тўлаб берилмаган. Пудратчи ўз пулларини ундириш учун суд ва прокуратура органларини безовта қилиб ётибди.

Аслида шартнома асосида бажарилган иш учун тўловларни ўз вақтида ўтказиб берилганида, бугунги кунга келиб 500 га яқин ишчилар ишсиз, жамиятлар банкрот ёқасига келиб қолмаган бўлар эди.

Хўш буюртмачи Қашқадарёсувқурилишинвест юқоридагиларга нима дейсиз? Нима учун бир нечта жамият ва 500 га яқин ишчиларни ишлатиб, уларни техникасидан тортиб бошқа кучларидан фойдаланиб, сув омборини битказиб олиб, ҳатто сув омборини биткани ва ишга туширилганлиги ҳақида юқорига маълумот бериб, пулни тўлашга келганда турли ҳил баҳоналар билан пул тўлашдан қочиб келмоқдасиз?

500 га яқин ишчиларни қора қозонини қайнаб туришига сабвбчи бўлган юқоридаги жамиятларни банкрот қилишга ким топшириқ берди? Бу борада тегишли ташкилотлардан расмий муносабат кутишдан кўра, журналистик суриштирув ўтказиб, асл айбдорни топиб уни юзини давлат раҳбарига кўрсатиш мақсадга мувофиқ бўлади деб ўйлайман, бўлмаса бу кетишда тадбиркорлар хонавайрон бўлиб кетади

свернуть