كلمات الزفة /

ياعروس الحسن يالضي الفريد
ياملاك الزين يالنور الفريد
والقصايد تنكتب لجلك هنا
رددت إسمك وفي حسنك تزيد

وياعريس الليله بشتك كم يلوق
آخذ اللي حسنها الطاغي يفوق
والهنا معكم عسى يبقى الهنا
والسعاده لاحت بضي البروق

أقبلت وصايف بوصف الحلا
حظ ورد(ن) شالته بين الملا
والخطاوي لايقه بفستانها
والخجل غطى ملامحها إعتلا

ياعروسه بالحسن منهو بحلاك
القمر نورك وعالي مستواك
بك عبدالرحمن يتهنّى والوصوف
فيها حسنك ياوصايف ، إحتواك

ياعريس(ن) حظ عين(ن) شافته
عبدالرحمن عسى السعد في رايته
بك وصايف تهتني بين البشر
وبالغلا تملك غلا بروايته

ياعبدالرحمن عسى السعاده لك تزور
دارك اللي بالهنا بك ماتبور
عش حياتك مع شريكة دنيتك
وأنعم بحب وأمان ومع سرور

ياعسى الحب المؤبد بينكم
يبقى والتوفيق قر لعينكم
جينا نكتبها تباريك المُنى
وياعسى الفرحه تجي بإيدينكم

свернуть