Bombardimet ruse në rajonin në lindje të Ukrainës, Donjeck, kanë vrarë tre persona dhe kanë plagosur nëntë të tjerë, tha kryetari i administratës ushtarake rajonale, Vadym Filashkin, të hënën. Ai sqaroi se për viktima është raportuar në Mirnograd, Toretsk dhe Rozliva. Rusia lëshoi ndërkohë 11 dronë shahed drejt Donjeckut dhe disa rajoneve të tjera, përfshirë Kievin, por forca ajrore ukrainase tha se i kishte rrëzuar të gjithë. Një ditë më herët, Rusia lëshoi rreth 16 raketa dhe dronë kundër shënjestrave në Ukrainë. Kievi tha se rusët kanë lëshuar dy raketa balistike KN-23 dhe tre raketa lundruese. Trembëdhjetë dronë dhe raketa janë rrëzuar, ndërsa tre të tjera nuk kanë mundur të arrijnë shënjestrat e tyre – tha ushtria e Kievit. Sulmet vijnë ndërsa Ukraina tenton të forcojë pozicionin e vet në rajonin rus të Kurskut, gati dy javë pas nisjes së një sulmi të papritur në territorin rus. Trupat ukrainase kanë goditur dy ura kyçe në lumin Sejm në Kursk, dhe kjo, sipas analistëve, është një taktikë për të forcuar ofensivën ukrainase në Kursk, pasi Moskës i vështirësohet procesi i furnizimit të ushtrisë në jug të lumit. Presidenti ukrainas, Volodymyr Zelensky, tha se operacioni ukrainas në Kursk po “i shkakton humbje ushtrisë ruse, por edhe shtetit rus, industrisë së mbrojtjes dhe ekonomisë së saj”. Ai tha në një fjalim, një natë më parë, se komandanti i ushtrisë ukrainase, gjenerali Oleksandr Syrskiy, i kishte treguar se situata në linjën e frontit është duke treguar “rezultate të mira” në të gjitha drejtimet. Përveç kësaj, ai tha se “rezultate të mira janë duke u arritur edhe në shkatërrimin e pajisjeve ruse afër Toretskut”, një qytezë në rajonin e Donjeckut.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Bomabrdimet#Rusi
