Unang Biyernes ng Buwan, araw ng Debosyon, araw ng mga Deboto, araw ng ating pinakamamahal na Nuestro Padre Jesus Nazareno.
[Magdasal po tayo] Mahal na Poong Jesus Nazareno, naririto na naman po kami, Inyong mga alagad, Inyong mga deboto, bumabaling sa Inyo sapagkat alam namin, puno Kayo ng habag, puno Kayo ng pag-ibig, himala at pagpapala. Kaya nga’t sa pagharap namin sa Inyo, inaamin namin ang aming mga kasalanan, inaamin namin ang mga kabaligtaran na nangyayari sa buhay namin, kaya nga’t naririnig namin uli ang Iyong tinig: Sumunod ka sa akin. Narito po kami handang sumunod sa Inyo bagamat kami’y makasalanan, ang Inyong tinitingnan sa amin hindi ang tindi ng aming kamalian, kung hindi ang tindi ng aming pagsisisi at hangaring magbagong-buhay. Ito po ang aming dala-dala ngayon sa Inyong Dambana dito sa Quiapo: ang aming pagsisisi. Ito ang aming hinililimos sa Inyo ngayon ang Inyong habag upang ito rin ang aming maibahagi sa aming kapwa sapagkat habag, hindi hain ang ibig Ninyo. Ang habag na iyan ang makatutulong sa amin matanggap ang Iyong himala at pagpapala. Ang katigasan ng aming puso ang bumubulag sa amin kaya hindi pa kami handang tumanggap ng Iyong inilaang pagpapala.
Kaya nga’t Mahal na Panginoon, tunawin N’yo po ang aming matigas na puso, kahabagan N’yo po kami upang kami din ay maging mahabagin. Mahal na Poong Jesus Nazareno, kaawaan N’yo po kami, basbasan N’yo po kami. Amen! Amen!🙏
MUNTING PANALANGIN ni Rdo. P. Jun Sescon, Jr.
Hulyo 05, 2024 - Biyernes
Ika-13 Linggo sa Karaniwang Panahon
#QuiapoChurch #QuiapoDay #Prayer #Panalangin #EverythingIsGrace #BiyayaSaQuiapo #JesusNazareno #Nazareno #FrJunNgQuiapo #BlackNazarene #NuestroPadreJesusNazareno #PoongHesusNazareno #Catholic #Katoliko #SaintAnthonyMaryZaccaria #MinorBasilicaAndNationalShrineOfJesusNazareno
Ещё видео!