Այսօր՝ հուլիսի 21-ին, խոշոր ավտովթար է տեղի ունեցել Գեղարքունիքի մարզում: Ժամը 17:25-ի սահմաններում Երևան - Սևան - Իջևան ավտոճանապարհին՝ Գագարին գյուղի սկզբնամասում, դեպի Երևան ընթանալիս, բախվել են 48-ամյա Մխիթար Վ.-ի վարած Mercedes մակնիշի և 27-ամյա Հակոբ Թ.-ի վարած Volkswagen Vento մակնիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով Volkswagen-ը դուրս է եկել երթևեկելի գոտուց, բախվել երկաթբետոնե արգելապատնեշներին, կոտրել դրանք և մոտ 50 մ գլորվելով հայտնվել դաշտում: Վթարի հետևանքով Volkswagen-ի վարորդը, ում հայտնաբերել են ավտոմեքենայից դուրս, օպերատիվորեն ժամանած ՀՀ Ներքին գործերի նախարարության Փրկարար ծառայության Սևանի թիվ 32 հրշեջ-փրկարարական ջոկատի փրկարարները, պատգարակով մոտեցրել են օպերատիվորեն ժամանած «Սևան» բժշկական կենտրոնի շտապօգնության ավտոմեքենային: Բժիշկները վիրավորին մինչև հիվանդանոց տեղափոխելը տեղում առաջին բուժօգնությունն են ցուցաբերել:
Մանրամասները՝ [ Ссылка ]
