Lajme Arkiva - TV Klan 2004
Për të pasur një listë zgjedhësish sa më të rregullt në votimet e ardhshme parlamentare, do të nisin disa projekte pilot në mënyrë që të mos ketë individë që nuk votojnë siç ndodhi në zgjedhjet vendore të Tetorit. Për këtë kryetari i KQZ Ilirjan Celibashi kërkoi bashkëpunimin e Ministrit të Pushtetit Vendor dhe Decentralizimit Ben Blushi.
Ilirjan Celibashi: “Regjistri kombëtar i zgjedhësve ekziston, por ky regjistër pa diskutim që nuk është një regjistër absolutisht i saktë dhe për shumë kohë nuk do të jetë absolutisht i saktë, sa kohë sikurse thashë do të ekzistojnë disa probleme, por ne bashkërisht, KQZ dhe institucionet e tjera po përpiqemi, që të eliminojmë sa më shumë probleme që lidhen me problemin e listës së zgjedhësve”.
Ben Blushi: “Besoj që deri në fund të vitit 2004, ne do të arrijmë përmes disa projekteve pilot, të kompjuterizojmë sistemin e gjendjes civile në qytete të rëndësishme, nisur nga Tirana, Durrësi dhe Shkodra. Kemi gjetur tashmë mbështetjen e duhur financiare për të informalizuar gjendjen civile në këto tre qytete, ku ka pasur siç dihet debate, apo komente delikate sa i takon infrastrukturës zgjedhore në zgjedhjet e fundit”.
Për të shmangur problemet e shumta me listën, ku ekzistonin edhe persona të vdekur apo të regjistruar edhe në dy qendra votimi, do të bëhet e mundur kompjuterizimi i regjistrit kombëtar të gjendjes civile./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/jGLG8gym08Q/maxresdefault.jpg)