“Një ditë pas hapjes së tunelit të Llogarasë është rritur ndjeshëm numri i automjeteve, të cilët kalojnë nëpër të, për të shkuar në plazhet e Jugut të vendit”, raporton gazetarja Anila Sefa.
Nëse disa ditë më parë udhëtarëve iu duhej të përshkonin rrugën në ngjitje dhe zbritje me kthesat e Llogarasë, në 30-40 minuta, tashmë kjo shmanget. Sot nevojiten vetëm 7 deri në 10 minuta për të mbërritur në Palasë, duke kursyer kohën.
Jo vetëm kaq, por Tuneli i Llogarasë, shkurton distancat me plazhet e bukura të bregdetit Jonian. Këtë e pranojnë qytetarët, por dhe banorët e zonës.
Por tuneli do t’u shërbejë jo vetëm qytetarëve shqiptarë, brenda e jashtë kufirit, por edhe turistëve të huaj, të cilët janë të shumtë e që prej disa vitesh po zgjedhin Shqipërinë për të kaluar pushimet e tyre.
Tuneli, i cili nis në zonën e Dukatit dhe përfundon në Urën e Palasës, është i gjatë 6 kilometra dhe mund të kalohet me shpejtësi nga 50-80 km/orë. I konsideruar si një nga veprat më të mëdha dhe të rëndësishme publike, tuneli i Llogarasë pritet që të ketë një impakt të drejtpërdrejtë në zhvillimin e turizmit dhe ekonominë vendase.
Këtë sezon të gjithë drejtuesit e automjeteve do të mund të kalojnë pa asnjë pagesë, ndërsa verën e ardhshme do të duhet ta paguajnë një tarifë që do të jetë 5 euro.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
