Արցախի անկախության օրն է: 31 տարի առաջ, սեպտեմբերի 2-ին հռչակվեց Լեռնային Ղարաբաղի Հանրապետությունը: Ստեփանակերտում անցկացվում են միջոցառումներ: Երեկոյան տեղի կունենա քայլերթ ու հանրահավաք: Արցախի նախագահը օրվա առիթով հայտարարել է, որ ի հեճուկս ժամանակի բոլոր փորձությունների, Արցախի ժողովուրդը վճռականորեն հայտարարում է, որ հավատարիմ է իր ընդունած որոշմանը, իր ընտրած ուղուն, որն անշրջելի է: Արցախը պետք է միշտ լինի կանգուն, լինի հայկական և շարունակի իր ընթացքը անկախության ճանապարհով:
