Aleanca ushtarake e NATO-s çeli dyert për anëtarësimin me të drejta të plota të Shqipërisë, në 1 prill të vitit 2009. 13 vite më pas, marrëdhëniet e Shqipërisë me vendet e aleancës, janë intensifikuar duke krijuar një partneritet të fortë të dyanëshëm. Më shumë se 8000 trupa ushtarakë shqiptarë, kanë marrë pjesë në operacionet paqeruajtëse të NATO-s, disa prej tyre kanë rënë dëshmor të atdheut në krye të detyrës.
Partneriteti mes Shqipërisë dhe vendeve të aleancës, i ka zanafillat që prej qershorit të vitit 1992, moment kur vendi ynë u pranua zyrtarisht në Këshillin e Bashkëpunimit të Atlantikut të Veriut, organizmi i parë që krijoi Aleanca për shtetet që dolën nga regjimet komuniste në Evropën Lindore dhe Evropën Qendrore.
Në dhjetor të po atij viti, Sali Berisha, aso kohe president i republikës zhvilloi vizitën e parë zyrtare në selinë e NATO-s në Bruksel, ku u takua me Sekretarin e Përgjithshëm të Aleancës, Manfred Verner. Fushata ajrore e NATO kundër Serbisë, në vitin 1999, për të ndërprerë aktet kriminale të spastrimit etnik të ndërmarrë nga regjimi i Millosheviçit, përbën një pikë kulminante në historikun e marrëdhënieve midis Shqipërisë dhe Aleancës, pas ndihmës së trupave ushtarake shqiptare.
Misioni i parë paqeruajtës i forcave të armatosura të Shqipërisë, daton në korrik të vitit 2002, moment kur Shqipëria dërgoi trupat ushtarakë drejt Afganistanit. Që nga ai moment e deri në qershor të 2021, kur u ndërpre misioni me vendim të aleancës, Shqipëria ka dërguar plot 4160 trupa ushtarakë në Afganistan.
Pas përfundimit të ratifikimit të protokollit të anëtarësimit nga të gjitha vendet anëtare dhe depozitimit të instrumentit të aderimit në NATO në Departamentin Amerikan të Shtetit, Shqipëria u anëtarësua zyrtarisht me të drejta të plota në NATO më 1 prill 2009. Vendi ynë mori pjesë për herë të parë si anëtar me të drejta të plota në Organizatën e Traktatit të Atlantikut Verior, në samitin që u mbajt në Strasbourg më 4 prill të po atij viti. Në selinë e Aleancës në Bruksel, u zhvillua edhe ceremonia zyrtare e ngritjes së flamujve të Shqipërisë dhe Kroacisë në NATO.
Gjatë viteve të bashkëpunimit me NATO-s, referuar të dhënave të ministrisë së mbrojtjes, 8105 trupa ushtarakë u angazhuan në misionet paqeruajtëse të drejtuara nga NATO, BE dhe OKB, në Kosovë, Bosnje dhe Hercegovinë, Detin Egje, Letoni, Irak dhe Afganistan. Aktualisht ushtria e Shqipërisë është përfshirë në një proces transformimi dhe modernizimi, që nga personeli dhe deri te pajisjet dhe mjetet ushtarake. Në 13 vjetorin e aleancës me Shqipërinë, NATO po ndërton në Kuçovë bazën e parë ajrore në Ballkanin Perëndimor, një investim i cili rrit peshën strategjike të Shqipërisë në rajon dhe tregon forcimin e marrëdhënies së Shqipërisë me NATO-n.
Pamje Arkiva Top Channel
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Misionet#Paqeruajtëse#TopChannel
![](https://i.ytimg.com/vi/jQeb-7m7Y2U/maxresdefault.jpg)