Şamil Ənvəroğlu - Sadəcə bir yuxu imiş
Piano - Nizami Əliyev
Nə vaxtsa itkin düşən təbəssümünü axtararsan köhnə şəkillərdə,
"harda?", "nə zaman itirdim?" deyə baxarsan hər şəkildəki əksinə...
Nə vaxtsa bezərsən böyük olmaqdan da,
yaxşı olmaqdan da,
hər kəsi anlamaqdan da...
Yenidən olmaq istəyərsən bir qayğısız uşaq,
elə o məsumluqda,
elə o saflıqda...
Nə vaxtsa özündən nağıllar uydurub xoşbəxt oluncaya qədər yaşayarsan o nağıl dünyasındakı obrazını.
Elə o nağıllarla da yaşayarsan gerçəklərdən qaçaq,
dərd yığmağa qoçaq ömrünü...
Nə vaxtsa açarsan qapını,
qovmağa çalışarsan divarlara hopmuş üzüntünü,
evə dağılmış qırıntını...
Əvəzində isə, bir xoş gün səsləyərsən gözlərini uzaqlara zilləyərək "gəl, gəl" deyə...
Nə vaxtsa səs-küydən bezib çəkilərsən bir küncə,
açarsan əllərini Tanrıya,
heç nə yox,
bircə ovuc xoşbəxtlik diləyərsən qalan ömrünə...
Nə vaxtsa susarsan,
bezərsən mənasız gözləntilərdən də,
maraqsız yaşamından da,
daha istəməzsən heç nəyi də,
heç kimi də...
Bir gecə istəyərsən,
bir də dərin bir yuxu.
Və də ayılıb görəsən ki,
bütün yaşadıqların sadəcə bir yuxu imiş...
Ещё видео!