Şeir: Cabir Novruz - Mənim nəslim
Səsləndirmə: Əliabbas Qədirov
Musiqi: Ələkbər Tağıyev - Sən gəlməz oldun

Biraddımla'ya YouTubeda abunə olmaq: [ Ссылка ]

Biraddımla'nın sosial şəbəkə ünvanları:
Instagram: [ Ссылка ]
Facebook: [ Ссылка ]
TikTok: [ Ссылка ]
Telegram: [ Ссылка ]
E-poçt: biraddimlayol@gmail.com

CABİR NOVRUZ - MƏNİM NƏSLİM

Mən dövlətli ailədə doğulmadım,
Şan-şöhrətli ailədə doğulmadım,
Mən arxalı, mən nəsilli doğulmadım,
Ancaq heç vaxt çəkinmədim, sıxılmadım.
Zər-zibalı yataqlarda yatammadım,
Mən gəzmədim əldən-ələ qucaqlarda
Boy atmadım meydan-meydan otaqlarda.
Mən doğuldum... bürüdülər kürkə məni,
Yatırtdılar bir küncündə komamızın
Qoca nənəm layla dedi uzun-uzun.
Min bir cürə naz-nemətdən uzaq oldum,
Hər cür hazır səadətdən uzaq oldum.
Bir gün dərdlər komamıza güc elədi,
Atam mənim bu dünyadan müəmmalı köç elədi?!
Atam köçdü bu dünyadan, məni qoydu ailəm üçün,
Var-dövləti elə buydu mənim üçün!
Atam itdi, arzuların dumanında,
Mən tək qaldım sərt taleyin amanında.
Anam mənim bundan ötrü dərd elədi,
Atasızlıq bizi sıxdı, pərt elədi,
Məni bu cür doğulmağım sərt elədi,
Həyat özü məni daha mərd elədi.
Əsla tale insaf nədir bilmədi heç,
Bir çöpü də asanlıqla vermədi heç.
Məni yüz yol döyəclədi, şillələdi,
Neçə-neçə gənc arzumu şil elədi.
Nəyim varsa zaman-zaman tək qazandım,
Fəhləlikdən alimədək ad qazandım.
Qazanmadım səadəti xoş ilə mən,
Yox qazandım dırnaq ilə, diş ilə mən.
Qışda şaxta kəsdi məni nizə kimi
Payız gəldi, palçıq gördüm dizə kimi.
Əziyyətlə, məşəqqətlə təhsil aldım.
Kəndimizdən şəhərə mən ünvanlandım.
Mənə doğma, əziz oldu göy Xəzər də.
Tufanlarda, dalğalarda addımladım,
Taleyimi alimliyə mən bağladım.
Nə zaman ki, bu yollarda karıxıram,
Dolanıram, çəkinirəm, darıxıram,
Nə zaman ki, ömür coşur, dalğa olur,
Mənə o an, sərt taleyim arxa olur.
Hələ çoxdur bu yolların əziyyəti,
Kim deyir ki, mən həyatda döyüşmürəm,
Zərrə-zərrə qazandığım səadəti
Min cür hazır səadətə dəyişmərəm!
Bir zəhmətkeş insan kimi necə varam,
Bax, o çətin günlərimə minnətdaram.

“Cabir Novruz 1933-cü il mart ayının 12-də Xızı rayonunun Upa kəndində anadan olmuşdur. 13 övlad itirmiş Mirzəbəy ata ilə, Qızılgül ana tanrının bu övlad payına min şükürlər etmişlər. Balaca Cabir hələ erkən yaşlarında atasını itirmişdir. Balasını böyütmək üçün xalça toxuyub satan, təhsilsiz Qızılgül ananın beşik başında oxuduğu laylalar, oxşamalar, bayatılar Cabirin ilk həyat müəllimi olmuşdur.
Cabir orta məktəbi bitirdikdən sonra Mirzə Ələkbər Sabir adına pedaqoji Texnikumda təhsil almış və 1952-ci ildə Azərbaycan Dövlət Universitetinin jurnalistika fakültəsinə daxil olmuşdur. Bir il sonra Azərbaycan Yazıçılar İttifaqının tövsiyəsi ilə təhsilini davam etdirmək üçün Moskvaya, Maksim Qorki adına Ədəbiyyat İnstitutuna göndərilmiş və 1957-ci ildə oranı bitirmişdir.
1958-ci ildə «Bakı» axşam qəzetinin ədəbiyyat şöbəsində ədəbi işçi kimi əmək fəaliyyətinə başlayan Cabir Novruz 1967-1970-ci illərdə «Azərbaycan» ədəbi-bədii jurnalının, 1991-1993-cü illərdə isə «Ədəbiyyat və incəsənət» qəzetinin baş redaktoru vəzifələrində çalışmışdır. O, 1970-1997-ci illərdə Azərbaycan Yazıçılar İttifaqı İdarə Heyətinin katibi olmuşdur.
Beləcə, Cabir Novruz böyüdü, bərkidi və özünü təsdiq etdi. Amma heç vaxt böyüdüyü doğma kəndini, onun əliqabarlı kişilərini, qeyrətli analarını, dostluqda etibarlı, sözündə düz sadə adamlarını unutmadı. Onlar şeirinin ilk misrası, baş mövzusu oldu”.
#cabirnovruz #mənimnəslim #əliabbasqədirov #eliabbasqedirov #səngəlməzoldun #ələkbərtağıyev #elekbertagiyev #sengelmezoldun #cabirnovruzseirleri #cabirnovruzyaradıcılığı #şeir #şair #poeziya #ədəbiyyat #ədib #sənət #sənətkar #musiqi #kitab #yazar #yazıçı #biraddimla #biraddimlayol

свернуть