Թուրք-ադրբեջանական ցանկացած զորավարժություն իր մեջ սպառնալիքներ է պարունակում ինչպես Հայաստանի, այնպես էլ տարածաշրջանի և Ռուսաստանի Դաշնության համար, - նշում է ադրբեջանագետ Տարոն Հովհաննիսյանը։
«Արցախի դեմ ագրեսիայի ընթացքում մենք տեսանք, որ Ադրբեջանը գործում էր Թուրքիայի լիակատար աջակցությամբ, այդ թվում՝ մի քանի ճակատներում՝ թե՛ զորքերի կառավարման գծով օգնության, թե՛ զինտեխնիկայի մատակարարման ու կառավարման, մասնավորապես` օդուժի, հակաօդային պաշտպանության, թե՛ արցախյան հակամարտության գոտի ահաբեկիչների տեղափոխման հարցում»,- ասաց նա։
Սպառնալիքներն առավել ակնհայտ են դառնում, երբ թուրք-ադրբեջանական վարժանքներն անցկացվում են Արցախից բռնազավթված տարածքներում՝ Հայաստանի քթի տակ։ Հովհաննիսյանը հիշեցնում է, որ մինչ զորավարժությունները Քաշաթաղի և Քարվաճառի օկուպացված շրջաններից ադրբեջանական զորքերը ներխուժել են Հայաստաննի սուվերեն տարածք` Սյունիքի և Գեղարքունիքի մարզեր և մինչ օրս շարունակում են մնալ Հայաստանի բռնազավթված տարածքներում։
Նյութի աղբյուր՝ 1in.am, armeniasputnik.am
#lurer #turkia #hayastan #adrbejan #norattergrigoryanc #aliev #puitin #sahmanazatum
