БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Тасқыннан зардап шеккен Атырау облысындағы Құлсары қаласының халқы үйлеріне оралып жатыр. Сондай-ақ, қызыл суда қалған үш мыңнан астам баспананы бағалау жұмыстары басталды. Бұдан бөлек, эпидемиологтар суға кеткен сауда орындары мен тұрғын үйлерге залалсыздандыру жұмыстарын жүргізуде.
---------------------------------------------
Теңдессіз жобамызға көз салыңыз: [ Ссылка ]
Бүгінгі шығарылымда:
Су тасқынынан зардап шеккен Жылыой ауданы Құлсары қаласында жағдай тұрақталып келеді. Баспанасын су баспаған тұрғындар біртіндеп шаңырақтарына оралып жатыр. Ал тұрғын үйлері топан судың астында қалған адамдарға тек қажетті заттарын алып шығуда рұқсат берілген.
РОЗА НҰРМАНОВА, Құлсары қаласының тұрғыны:
– Бүгін келсем суларды кішкене тартқызып қойған екен. Ішінің бәрі су. Кіру невозможно, канализацияның иісі шығып тұр дейді ғой. Тұра алмаған мына балалар. "Мүмкін емес",- дейді. Заттарды ала алмадық, холодильнигім төңкеріліп жатыр екі тас қойып биіктетіп кеткеннің өзінде. Кухнядағы заттардың бәрі құлап жатыр. Бытовой техника бәрі кеткен енді.
Жарамсыз баспаналардың шығынын қазір әкімдік есептеуге кіріскен. Бұдан бөлек халықтан түскен екі мыңнан астам өтініш қаралап, тұрғындарға бір реттік әлеуметтік көмек көрсетілді. Яғни, үйіне су кірген әр отбасына 370 мың теңге көлемінде қаржы берілген.
НҰРБОЛАТ САРМАНОВ, Жылыой ауданы әкімінің орынбасары:
– Әлі де қабылдау жүріп жатыр. Қазір бес құжатты бірден дайындап жатырмыз. Бағалау жұмыстары басталып кетті. Жадырасын ықшам ауданында 46 үйге түсті. Алдағы күндері тағы топтар келеді деп отырмыз. Қазір 6 топ жұмыс жасап жатыр. Түстен кейін Мешіт ауыл, 2-ші ауыл, 6-шы ауылдарға жіберу жоспарланып жатыр. Алдағы уақытта қарқынды жұмыстар көбейеді.
Бұдан бөлек қазір эпидемиологтар инфекция таралу қаупі жоғары нысандарға залалсыздандыру жұмыстарын жүргізуде. Ол үшін 10 маман, 3 техника жұмылдырылған. Айта кетейік, тасқын басталғалы бері 100 рет дезинфекция жасалынған екен. Құлсары қаласының аумағын тасқын судан тазарту жұмыстары да жалғасып жатыр .
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
