Lajme arkiva 2008
Është ndarë nga jeta në moshën 85 vjeçare mbrëmjen e djeshme si pasojë e një sëmundje të rëndë një na figurat më të shquara të dramaturgjisë shqiptare Fadil Paçrami. Fadil Paçrami u lind në Shkodër më 27 maj të vitit 1922 dhe në këtë qytet kaloi dhe vitet e fëmijërisë së tij.
Ai është autori i plot 54 dramave të shkruara gjatë kohës së diktaturës komuniste, duke u cilësuar si një korifejtë e teatrit shqiptar nga vitet 60 e deri në vitin 74, ku mund të kujtohen dramat “Ngjarje në fabrikë” vënë në skenë nga regjisori Mihallaq Luarasi, apo “Shtëpia në bulevard” vënë në skenë nga Kujtim Spahivogli.
Ministër kulture, deputet i kuvendit popullor, dramaturg, kryeredaktor i gazetës: “Zëri i popullit”, ish i dënuar nga Enver Hoxha si pjesëtar i të ashtuquajturit grup puçist në kulturë.
Fadil Paçrami: “Unë kam ndenjur 18 muaj në hetuesi, domethënë në kushte mjaft të vështira, shtrirë në një batanije, një me çimenton, me roje brenda me fjet, kur shkoja në banjo domethënë 4 policë të mbanin nga krahët në të gjitha anët edhe ka qenë periudha më e tmerrshme.”
U lirua nga burgu në vitin 1991 dhe menjëherë ju rikthye punës duke shkruar rreth 15 drama në këto vite të demokracisë. Ai është gjithashtu autor i 2 studimeve të cilat priten të dalin së shpejti nga botimi. Fadil Paçrami u përcoll sot për në banesën e fundit në një armoni private nga familja dhe miqtë e tij./tvklan.al
Gazetare: Fjodora Fjora
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://i.ytimg.com/vi/jd-yW0SqqTg/maxresdefault.jpg)