Մեր նախկին հաղորդումներում անդրադարձել էինք Հայաստանի ներքաղաքական մի շարք խնդիրներին: Վերջին ժամանակների ամենաաղմկահարույց իրադարձությունը, անկասկած, Սերժ Սարգսյանի ու Վլադիմիր Պուտինի հանդիպումն էր Մոսկվայում, որի արդյունքում հայտարարվեց, որ Հայաստանը միանում է Մասքային միությանը:
Այս քայլը անկանխատեսելի էր լայն հանրության համար: Դրանից զարմացած էր նույնիսկ Սերժ Սարգսյանի նեղ շրջապատը, էլ չասենք եվրոպացիների մասին: Ի վերջո, ինչ կատարվեց Մոսկվայում : Այս իրադրձությունների շուրջ տարբեր վարկածներ են առաջարկվում, մենք էլ մեր թատրոնով մեր վարկածը կառաջարկենք, թե ինչու Սերժ Սարգսյանը կատարեց այսպիսի ճակատարգրական որոշում:
Եվ այսպես, օգոստոսի 13-ին Պուտինի այցից հետո Ադրբեջան, Սերժ Սարգսյանի շրջապատը խուճապահար վիճակում փորձում էր կազմակերպել Հայաստանի գործող նախագահի այցը Մոսկվա, սակայն բոլոր հարցադրումներին, թե երբ կարող է Սերժ Սարգսյանը հրավիրվել Պուտինի կողմից, Կրեմլի պատասխանը անփոփոխ էր. Ռուսաստանի նախագահի օրակարգում Հայաստանի նախագահի հետ հանդիպման խնդիր չկա, իսկ երբ Սերժ Սարգսյանի թիմը համառորեն խնդրում էր, որ այնուամենայնիվ, նման հանդիպում կայանա, Կրեմլը որոշում է որպես միջնորդ Սերժ Սարգսյանի մոտ ուղարկել Ռուսաստանի հայերի միության նախագահ Արա Աբրահամյանին` բացատրելու այն հանգամանքը, թե ինչ պայմաններով է Պուտինը պատրաստ ընդունել Սերժ Սարգսյանին:
Եվ ահա Արա Աբրահամյանի` Երևան այցից հետո, որտեղ նա երկար խոսակցություն ունեցավ Սերժ Սարգսյանի հետ, որոշում կայացվեց որ այդ երկխոսությունը շարունակվի մեկ այլ վայրում` Խորվաթիայում: Խորվաթիա է մեկնում Սերժ Սարգսյանը` ռուսներին համոզելու, որ ԵՄ-ի հետ հարաբերվելիս Հայաստանը հաշվի կառնի նաև ՌԴ-ի շահերը: Եվ այսպես, Խորվաթիայում Արա Աբրահամյանի ամառանոցում Սերժ Սարգսյանը փորձում է համոզել ՌԴ նախագահի աշխատակազմի ղեկավար Սերգեյ Իվանովին, որ Հայաստանը նպատակ չունի «քցել» Ռուսաստանին:
Շարունակությունը` հաղորդման մեջ:
Zham.am
![](https://i.ytimg.com/vi/jfA4LA23s20/maxresdefault.jpg)