Shqipëria jo vetëm renditet si një ndër vendet që ka numrin më të lartë të trafikuesve dhe kultivuesve të lëndëve narkotike, por është edhe në rradhët e para të përdoruesve. Zyra e Kombeve të Bashkuara në raportin vjetor global të drogave, ka ngritur alarmin, se një numër i konsiderueshëm i të rinjve po përdorin substancat narkotike dhe se vendi ynë është nyje e prodhimit dhe e trafikimit. Sipas të dhënave në vendin tonë, transporti bëhet në mënyra nga më të ndryshmet, që nga gomonet e deri tek kafshët. Raporti vëren, se substancat narkotike po përdoren gjerësisht nga të rinjtë shqiptarë, ku numrin më të madh të përdoruesve midis gjinive e kanë meshkujt. Sipas tij, Shqipëria si asnjëherë më parë në studimet e këtij lloji, është përmendur në pothuajse të gjithë kapitujt, duke u cilësuar si burimi kryesor për prodhimin dhe trafikimin e barit të kanabisit. Por jo vetëm kaq, Shqipëria është përfshirë në tabelën e vendeve, për të cilën ka evidenca të forta të përfshirjes së grupeve të krimit të organizuar. Zyra e Kombeve të Bashkuara publikon çdo vit raportin e drograve dhe raporti i vitit 2017 e përmend Shqipërinë shumë më dukshëm, sesa raporti i vitit të kaluar.
------------------------------------------
IN Tv Albania
Follow us:
[ Ссылка ]
[ Ссылка ]
[ Ссылка ]
Offcial website:
[ Ссылка ]
