Tarif Şurası təbii qaz, elektrik enerjisi, soba mazutu, reaktiv mühərrik yanacağının satışı tariflərinin tənzimlənməsini aparıb. Yeni tariflər müəyyənləşdirilərkən differensial yanaşma tətbiq edilib.
Təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılıb, illik istehlak həcminin 1500 kubmetrdən çox olan hissəsi üçün isə 20 qəpik müəyyənləşdirilib. Elektrik enerjisi istehsalında təbii qazın əhəmiyyətli rolu olduğu üçün elektrik enerjisinin qiymətinin kəskin artımının qarşısını almaq məqsədilə Şuranın qərarı ilə təbii qazın tarifi elektrik enerjisi istehsalı müəssisələri üzrə min kubmetr üçün 120 manat, qeyri-əhali istehlakçı qrupu üzrə isə 200 manat səviyyəsində təsdiq edilib. Təbii qazın əhali istehlakçı qrupu üzrə tarifləri 2017-ci ilin yanvarın 1-dən, qeyri-əhali qrupu üçün isə 2016-cı ilin dekabrın 1-dən tətbiq olunacaq.
Tarif Şurasının şöbə müdiri SADIQ ƏLIYEV: “Təqdim edilən məlumatlara əsasən, əhali istehlakçı üzrə abonentlərin 62 faizinin illik istehlak həcmi 1500 kub m –dən aşağıdır. Bu isə onu deməyə əsas verir ki, həmin abonentlərə tariflərdə baş verən dəyişiklik öz təsirini göstərməyəcək. Bununla yanaşı, istehlak səbəti üzrə bir ailənin bir başa xərclərinə təsir etməyəcək”.
Təbii qaz tariflərinin dəyişdirilməsi elektrik enerjisi üzrə tariflərə də yenidən baxılmasını zəruri edib və elektrik enerjisinin bir kilovat-saat üçün topdansatış tarifi 5,7 qəpik təsdiq edilib, pərakəndə satış tarifi isə sosial siyasətə uyğun olaraq, əhali üzrə aylıq elektrik enerjisi istehlakı 250 kVt-saatadək olan istehlakçılar üçün dəyişdirilməyərək mövcud 7 qəpik səviyyəsində saxlanılıb, aylıq istehlak həcminin 250 kilovat-saatdan çox olan hissəsi üçün isə 11 qəpik müəyyənləşdirilib.
“Dövlətin apardığı sosial siyasət əsas götürülərək,əhali üçün nəzərdə tutulan diferensial tariflərin tədbiqini məqsədəuyğun hesab etmiş .eyni zamanda .Optimal tariflərin tədbiqi barədə qərar qəbul etmişdi. Elektrik enerjisi üzrə əhali abonentlərinin 70 faizdən çoxu istehlak həcmi 250 kVt/saatdan az olduğu üçün həmin təbəqələrə və az təminatlı ailələrə bir başa təsiri olmayacaq”.
Enerji təchizatı birbaşa 35 və 110 kV-luq xətlərlə həyata keçirilən, istehsal məqsədləri üçün orta aylıq enerji istehlakı 5 milyon kilovat-saatdan az olmayan kimya və alüminium sənayesi, dağ-mədən filizi əsasında poladəritmə istehsalı müəssisələri üçün elektrik enerjisinin bir kilovat-saat üçün topdansatış tarifi gecə və gündüz vaxtı üzrə müvafiq olaraq 2,8 qəpik və 5,8 qəpik təsdiq edilib. Bununla yanaşı, ekoloji cəhətdən daha təmiz alternativ və bərpa olunan enerji mənbələri üzrə elektrik enerjisi istehsalının stimullaşdırılması və təbii qaza qənaət olunması məqsədilə özəl kiçik su elektrik stansiyaları üzrə elektrik enerjisinin istehsalçıdan satınalma tarifi bir kilovat-saat üçün 5 qəpik, külək elektrik stansiyaları üzrə 5,5 qəpik, digər alternativ və bərpa olunan mənbələr üzrə isə 5,7 qəpik müəyyənləşdirilib. Elektrik enerjisi ilə bağlı qərar dekabrın 1-dən qüvvəyə minir.
Tarif Şurasından verilən məlumat görə istehlak həcminə görə diferensiallaşdırma və optimallaşdırma prinsiplərinin tətbiqi israfçılıq hallarının aradan qaldırılmasına da stimul verəcək.
Ещё видео!