#xezersuleymanli #esmiramehiqizi

şeir: Esmira Məhiqızı
səs: Xəzər Süleymanlı

sonra da ki, bilirsən..sonraları olmur heç,
nə ömürün,
nə günün, nə də gözləməklərin.
amma ki, sən hər gecə xəyalının küncündə
nə vaxtsa gülümsəyən umudlar böyüdürsən.
heç özün də bilmədən,
özün də anlamadan-
umudların yerinə buludlar böyüdürsən.
böyüdürsən beləcə həsrəti, ayrılığı..
gözlərinin kökündə lillənir xatirələr,
göllənir xatirələr..
gözləməklər o qədər,
o qədər uzun çəkir..
səbrinin ortasına unudulmuş bıçaq tək
millənir xatirələr..
xatirələr mil çəkir gözünün işığına,
yavaş-yavaş gözlərin işıqdan düşüb gedir.
bircə qaşıq qan imiş,
həyatın da,
ömrün də...
son nəfəsin qan kimi qaşıqdan düşüb gedir.
sonra da ki, bilirsən sonraları olmur heç..
nə taleyin,
nə bəxtin..nə də alın yazının.
pəncərənin ağzında həsrətini çəkirsən,
hardasa sənsiz qalan ömrün uşaq yazının
bilirsən gəlməyəcək, qapını döyməyəcək..
səni səsləməyəcək,
o uşaqlıq,
o günlər..
o günlərdə sevdiyin o havalar,
o kəslər,
o nağıllar,
o yollar..
bir də nələr, ehhhh..nələr.
və beləcə, beləcə..
lap hər gündüz,
hər gecə..
nə vaxtsa böyütdüyün buludların ağlayır.
buludlara qoşulub,
xatirənin küncündə
ta böyüyə bilməyən umudların ağlayır.
gözləyirsən bir ömür,
gözlədiyin ömürün sonraları gəlmir heç..
sonra da ki, taaaaaaaaa sonra
bilirsən,
sonranın da sonraları olmur heç.

свернуть