අනන්ත නය සමන්නාගත චතුවීසති සමන්ත පට්ඨාන අති ගම්භීර ධර්ම වන්දනාව
අභිධම්මපිටක, පට්ඨානපාළි-1, ධම්මානුලොමෙ, තිකපට්ඨානං
(1) පච්චයුද්දෙසො
(2) පච්චයනිද්දෙසො
මෙම පට්ඨාන ධර්මය සජ්ජායනා කිරීමෙන් ලෞකික ලෝකෝත්තර වශයෙන් ලැබෙන ආනිසංස බොහෝය.
මේ ජීවිතයේදී මෙන්ම මතු උපදින ජීවිතවලදී තියුණු ඥානය ලැබීමටද, සියලු කෙලෙස් නසා අරිහත්වය ලැබිමටද , රහත්වන ජීවිතයේදී චතුපටිසම්භිදා ඤාණලාභී වීමටද මෙම ධර්මය සජ්ජායනා කිරීම හේතු වන්නේය.
බුරුම රටෙහි බොහෝ රියදුරෝ රිය අනතුරු වළක්වා ගැනීම පිණිස මෙම ධර්මය සජ්ජායනා කරති. සමහර ව්යාපාරිකයෝ තම ව්යාපාර කටයුතුවල දියුණුව සඳහා මෙම ධර්මය සජ්ජායනා කරති. එසේම හදිසි අනතුරු වළක්වා ගැනීමටද , සතුරු උපද්රව වලින් බේරීමටද ,තම ආර්ථික තත්වය දියුණු කරගැනීමටද, තම බලාපොරොත්තු ඉටු කරගැනීමටද, දෙවියන්ගේ ආරක්ෂාව ලබා ගැනීමටද මෙම ධර්මය භාවිතා කරන බොහෝ අය එම රටෙහි ඇත්තාහ. බුරුම රටෙහි දිනපතා ගුවන්විදුලිය මගින් මෙම ධර්ම සජ්ජායනාව විකාශයට පත්කිරීමෙන් රටෙහි ආරක්ෂාව හා දියුණුව සඳහා මෙම පට්ඨාන ධර්මය භාවිතා කරයි.
එහෙයින් බොහෝ ආනිසංස ලබාදෙන මෙම මහඟු ධර්මය දිනපතා සජ්ජායනා කර තම තමාගේ ජීවිත සාර්ථක කරගැනීමට සියළු දෙනා උත්සාහ කරත්වා!
ඥෙය්යසාගර පාරගත වූ අප භාග්යවත් අරහත් සම්යක් සම්බුද්ධයන් වහන්සේ ලොව්තුරා බුද්ධත්වයට පැමිණීම සඳහා සම්මර්ශනය කළ ධර්මය හේතු-ඵල ධර්මයයි. තථාගතයන් වහන්සේගේ සර්වාංගසම්පූර්ණ අති දීර්ඝ හේතු-ඵල දේශනය වනුයේ මේ පට්ඨාන ධර්මයයි. එසේම බුදුවීමෙන් අනතුරුව සතරවන සතියේදී තථාගත ශ්රී ශරීරයෙන් නීල-පීත-ලෝභිතාදී සවණක් ඝන බුදුරැස් මාලාවන්ගෙන් මේ මුළු ලෝකධාතුවම ආලෝකමත් වූයේද මෙම පට්ඨාන ධර්මය මෙනෙහි කරන කල්හිය.
වසර 45 ක් මුළුල්ලෙහි දේශනා කොට වදාළ ධර්මය අතුරින් මුදුන්මල්කඩ වන්නේද, ශ්රී සම්මා සම්බුද්ධ ශාසනයෙහි හදවත බඳු වන්නේද, මහාගතිගමීය තිස්සදත්ත තෙරුන්වහන්සේ ඇතුළු බොහෝ දෙනාට අරිහත්වයට මඟ පාදා දුන්නේද මේ පට්ඨාන ධර්මයයි.
නමුත් සර්වඥශාසනය විනාශ වන කල්හි මුලින්ම අභාවයට පැමිණීමට නියමිතව ඇත්තේද මේ පට්ඨාන ධර්මයයි. එමනිසා ශ්රද්ධා ප්රඥා ඇති පණ්ඩිත සත්පුරුෂ සියළුදෙන මෙම ධර්මය මතකයෙන් දරා ගැනීමෙන්ද, තමන් නිතර සජ්ජායනා කිරීමෙන්ද, තම හිතවතුන් ඒ සඳහා උනන්දු කරවීමෙන්ද, ඒ අප මහා කාරුණිකයන් වහන්සේ සාරසංඛෙය කල්ප ලක්ෂයක් පුරා දුක්විඳ අප වෙනුවෙන්ම අවබෝධ කළ
මෙම වටිනා ධර්මය අතුරුදහන් වීමට ඉඩ නොදී, තවත් චිරාත් කාලයක් ලෝසතුනට හිතසුව පිණිස රැක ගැනීමට අධිෂ්ඨාන පිහිටුවා ගනිත්වා!!!
දේශකයාණන් වහන්සේ අතිපුජණිය දෙණියායේ උපසම ස්වාමීන්වහන්සේ
🙏🙏🙏
#සබ්බ_දානං_ධම්ම_දානං_ජිනාති
#Buddhism_The_Road_to_Nirvana
![](https://s2.save4k.ru/pic/jtISIQLLAYE/maxresdefault.jpg)