ՀՀ ԱԳ նախարար Էդվարդ Նալբանդյանի հրավերով նոյեմբերի 16-ին Հայաստան է այցելել Բրազիլիայի արտաքին հարաբերությունների նախարար Ալոիզիո Նունես Ֆերեիրան։
Նոյեմբերի 17-ին ն Էդվարդ Նալբանդյանը և Ալոիզիո Նունես Ֆերեիրան հանդիպում են ունեցել, որոնց արդյունքներով հանդես են եկել մամուլի ասուլիսով:
Բրազիլիայի արտգործնախարարը կարևորել է առաջին այցը Հայաստան և մեր երկրի հետ կապերի զարգացումը:
Էդվարդ Նալբանդյանը հիմնականում խոսել է ղարաբաղյան հակամարտության և Հայաստան-ԵՄ հարաբերությունների մասին՝ անդրադառնալով Բրյուսելում կայանալիք Արևելյան գործընկերության գագաթաժողովում Հայաստան-ԵՄ փաստաթղթի՝ ղարաբաղյան հարցում խնդրահարույց դրույթին:
