අවසන් සටන් බිම හරහා.. 2009-05-22 දින
ත්‍රස්තවාදයට එරෙහිව ක්‍රියාත්මක වූ සටනේ අවසන් දින තුනක පමණ කාලයක් දැවැන්ත කළු වලාවකින් හා දුමාරයකින් වැසී ගොස් තිබූ භූමියයි මේ . උතුරු පළාතේ වන්නි හා මන්නාරම ප්‍රදේශවල සිට ත්‍රස්තවාදීන් සමඟ ම තල්ලු වෙමින් ආ සාමාන්‍ය ජනතාව සතු රථවාහන හා දේපල සියල්ල නැවතුනේ වෙල්ලමුල්ලිවෛක්කාල් මේ යුද මුක්ත කලාපයේයි. සාමාන්‍ය ජනතාව පළිහක් කර ගත් ත්‍රස්තවාදීන් මේ බිමේ සිට ම යුද හමුදාව වෙත පහර දුන් අතර අවසන් දින කිහිපයේදී මෙහි සිරවී තිබූ වාහන කන්දරාවට උන් ගිනි තබා විනාශ කළා. මුලතිව් පරන්තන් A 35 මාර්ගය අවහිර වන පරිදි සියලු වාහන විනාශ වී හා ගිනි ගැනීමට ලක් වී තිබූ අතර මේ මාර්ගයේ ගමන් ගැනීමට හැකි වූයේ ප්‍රභාකරන් ගේ මරනයෙන් දින තුනකට පමණ පසු යුද හමුදාව JCB හා බුල්ඩෝසර යොදා ඒ අවහිරතා ඉවත් කිරීමෙන් පසුවයි. LTTE සංවිධානය සතු රථවාහන රැසක්ද මෙහි දැකගත හැකි වුනා. එසේම වෙළෙඳ කටයුතු සඳහා උතුරට පැමිණි රථවාහන රැසක්ද විවිධ භාණ්ඩ සමග මෙහි දක්නට ලැබුණා.
