Pasi u mbyll zyrtarisht procesi i numërimit në Rrogozhinë, i cili u zvarrit disa orë nga përfaqësuesit e partive përpara se të niste në mesnatë, Kryekomisioneri i Zgjedhjeve kërkon nga politika t’ia lerë në dorë personave jashtë oborreve të subjekteve të tyre të gjithë administrimin e votimit dhe numërimit.
“Ndoshta nuk është koha apo edhe rasti, por duhet të sjell në vëmendje tani edhe sidomos pas zgjedhjeve të datës 23 korrik 2023 në Rrogozhinë, domodoshmërinë për ndryshimin e mënyrës së organizimit dhe të funksionimit të komisioneve zgjedhore të niveleve të dyta dhe të tretë. Administrimi i zgjedhjeve në këto nivele nga persona të caktuar vetëm nga partitë politike nuk siguron as integritet të procesit dhe as miradministrim teknik të tij. Shpresoj që partitë politike të vlerësojnë me realizëm dhe pa paragjykime këtë konsideratë të KQZ”, tha Celibashi.
Depolitizimi i administratës zgjedhore në nivelin e komisionerëve dhe numëruesve është një debat i gjatë mes palëve, por që nuk ka gjetur asnjëhere dakordësi mes palëve që qeverisin dhe atyre që janë në opozitë kur bënë ndryshimet në Kodin Zgjedhor. Komisioni i fundit bipartizan i reformës zgjedhore e ka shtyrë dy herë afatin e punës së tij dhe ndërkohë ende nuk ka asnjë produkt.
Veç rekomandimeve të OSBE/ODHIR një nga ndryshimet që priten të miratohen në Shtator kur të rifillojë puna e Parlamentit dhe komisioni të marrë një tjetër zgjatim të afatit të punës së tij është dhe ai i ndikuar nga vendimi I Gjykatës Kushtetuese për rrëzimin e herësit për llogaritjen e mandateve të deputetëve.
Tv Klan
#celibashi
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
