Mbyllja e procesit të numerimit të votave për kreun e ri të PD-së ka treguar një fitore të thellë të Bashës ndaj Olldashit. Pas votimit te më shumë se 41 mijë anëtarëve të Partisë Demokratike për zgjedhjen e kryetarit të ri të partisë, e mbylljes së numërimit, pritet të bëhet edhe zyrtarizimi i fituesit. "Burime brenda PD-së flasin për jnë fitore të thellë të Bashës kundrejt kandidatit të tij, Sokol Olldashi. Teksa pritet rezultati përfundimtar, burime brenda PD-së bëjnë me dije se Lulzim Basha ka marrë 80% të votave ndërkohe që Sokol Olldashi 20% të votave "- raporton "News 24″. Kryetari në detyrë i PD-së postoi mbrëmë një status në faqen e tij në "Facebook", ku bëri të ditur edhe numrin e votuesve, që u paraqitën në 58 qendrat e votimit në të gjithë vendin."Të dashur miq, sot 41360 anëtarë dhe anëtare të Partisë Demokratike, luftëtarë të votës së lirë, votuan për kryetarin e ri të PD. Ne jemi të pathyeshëm! Përpara për votën e lirë të shqiptarëve", shkruan kreu i qeverisë në rrjetin social. Nga Jugu në Veri u hapen 58 qendra votimi, ku vetëm Shkodra dhe Kamza, për shkak të numrit të madh të anëtarëve, kane patur nga dy qendra. Ne Tirane eshte votuar ne 11 qendra votimi, ku 10 ishin të vendosura në njësitë bashkiake, ndërsa një qendër, ku do të votoi edhe kryetari i PD-së në detyrë Sali Berisha, ishte vendosur në selinë blu.
![](https://s2.save4k.ru/pic/k8-BY_fRRKo/mqdefault.jpg)