ՆՎԻՐՎՈՒՄ Է ՀԱՅԿԱԿԱՆ ՀԵՌՈՒՍՏԱՏԵՍՈՒԹՅԱՆ 6️⃣5️⃣-ԱՄՅԱԿԻՆ:
📺📺📺📺📺📺📺📺📺📺📺📺📺📺📺📺📺📺📺📺
1982 թվականի աշնանն էր, երբ եկա հեռուստատեսություն: Եկա և մնացի,մնացի ու սիրահարվեցի, սիրահարվեցի ու կյանքս անմնացորդ նվիրեցի 20-րդ ոսկե դարի այս հրաշքին: Առաջին օրվանից սկսած կողքիս կանգնեցին իմ ապագա գործընկերները՝ Հայկական հեռուստատեսության լավագույն բաժիններից մեկը՝ մեր հաղորդավարները,ովքեր միշտ սիրված և ցանկալի հյուր են եղել յուրաքանչյուրի ընտանիքում: Աջակցեցին իրենց անգին խորհուրդներով, իրենց դասերով, իրենց բարիացակամ վերաբերմունքով: Մի ընտանիք էինք, ապրում էինք յուրաքանչյուրիս ուրախություններով և տխրություններով և ահա 90-ականները մոտեցրին այն պահը,որ այդ բաժնին փոխարինելու եկավ սառը համակարգչային գրաֆիկան: Էկրանից կորավ կենդանի խոսքը, ջերմությունը, անմիջականությունը: Վերջերս հրապարակել է մի խումբ հաղորդավարների լուսանկար: Դա 80-ականներն է, Տարեմուտի երեկոյի ժամանակ: Պետք է միայն կարդալ մարդկանց կարոտած արձագանքները... Շնորհակալ ենք ձեզ մեր հավատարիմ, հարազատ հեռուստադիտողներ ձեր բարի վերաբերմունքի և հիշողության համար:
Շնորհակալ եմ իմ հաղորդավար գործընկերներին՝ Նարա Շլեպչյանին, Վարուժան Օլքինյանին, Կարինե Սարգսյանին, Աիդա Ներսիսյանին,Հասմիկ Պերճյանին,Սուսաննա Շահինյանին, Սվետլանա Բարիկյանին, Ալեքսանդր Սայադյանին, Գրիգոր Հարությունյանին, Վարդգես Ավետիսյանին, Սվետլանա Խաչատրյանին, Կարինե Միրզոյանին, լուսահոգի Հասմիկ Թումաղյանին, Կարինե Մնացականյանին: Իմ սերնդակից հաղորդավարներին՝ Ռուզան Մելյանին, Արմեն Ամիրյանին, Աշոտ Արարատյանին, Դոնարա Սաղյանին, Զառա Կարապետյանին:
Շնորհավորում եմ իմ բոլոր գործընկերներին մեր հարազատ Հայկական հեռուստատեսության 65-ամյակի կապակցությամբ:
![](https://i.ytimg.com/vi/kACZInQKarU/maxresdefault.jpg)