Салдарынан аймақтағы озық технологиямен жабдықталған клиникалардың жұмысы ақсап тұр. Бұл туралы облыстық қоғамдық кеңестің кезекті отырысында айтылды.
Медициналық мекемелерге 144 маман жетіспейді. Қазір облыс дәрігерлері мен орта буынды медицина қызметкерлерінің 25 пайызы зейнет жасына жеткен.
Мәселені шешу үшін жергілікті билік арнайы жоспар құрып, 22 млрд теңге бөлді. Бұл қаражат сырттан келген мамандарды тұрақтандыру жұмыстарына, мамандарды баспанамен қамтуға, сондай-ақ ауылдық жерлерге жолдама алған жастарға қаржылай қолдау көрсетуге жұмсалмақ.
Аманбек Жұмыров, облыстық денсаулық сақтау басқармасының басшысы
-Нақты жетіспейтіні – жалпы практикалық дәрігерлер, акушер-гинекологтар, реанимотологтар, неотолог дәрігерлер. Келісімшартпен мамандар шақырдық. Күні бүгінге 85 маманмен нақты келісім бар.
