Облыстық медициналық орталықта дегенеративті бел омыртқа тұрақсыз остеохондрозына ота жасалды. Отаның жетекшісі Астана қаласы,Ұлттық нейрохирургия орталығы, омыртқа-жұлын бөлімінің меңгерушісі, профессор Керимбаев Талғат Тынышбайұлы.
Омыртқаға жасалатын бұл отаның ерекшелігі алдынғы қырлы жақтаумен бару әдісімен, микроинструменттер қолдану кіші инвазивті түрімен жасалады. Яғни, ота барысында науқас терісі минималды тілінеді және онан кейінгі ауырсыну деңгейі төмендейді. Мұндай медициналық процестен кейін науқас ұзақ мерзімге аурухана төсегіне таңылмайды. Бар-жоғы бір аптаның көлемінде аяғына тік тұрады. Жергілікті дәрігерлер бұл әдіс бойынша ота жасауды Астана қаласындағы орталықтан арнайы оқып, білімдерін жетілдірген. Екі күнде 3 науқасқа дәл осы әдіспен ота жасалады. Оның екеуін профессор өзі жүргізетін болса, бір отаның облыс дәрігерлері жасайтын болады.
СНХ: ТАЛҒАТ КЕРИМБАЕВ ҰЛТТЫҚ НЕЙРОХИРУРГИЯ ОРТАЛЫҒЫ, ОМЫРТҚА-ЖҰЛЫН БӨЛІМІНІҢ МЕҢГЕРУШІСІ
-Бұл әдіс біздің орталықта 2013 жылдан бастап қолданылуда. Сол уақыттан бері мыңдаған адамның бел омыртқа тұрақсыз остеохондрозынан емделуіне себепші болдық. Осындай сәтті жасалған бірнеше отадан кейін бұл әдістің еліміздің өңірлеріне қажет екенін ескердік. Сол себептенде осы әдіс бойынша олардың білімдерін жетілдіру жүзеге асты. Шеберлік сағаты ретінде ота жасайтын боламыз, мұнан соң сіздердің білікті дәрігерлер өздері тиімді әдіспен жұмыс істеуге көшеді.
