«Ես մեկնեցի՝ խնամելու մի քանի որբերի, բայց գտա մի ողջ ժողովուրդ»: Ցեղասպանություն վերապրած հայ ժողովրդին օգնության մեկնած երիտասարդ միսիոներուհին տարիներ անց իր օրագրում նման գրառում պիտի աներ: Ռեժիսոր Արամ Շահբազյանի, սցենարիստ Աննա Սարգսյանի «Փրկության քարտեզ» ֆիլմի հերոսները հենց նրանք են՝ հինգ միսիոներուհիները, ովքեր իրենց կյանքի լավագույն տարիները նվիրաբերեցին Եղեռնից հրաշքով փրկված հայերին օգնելուն: Երևանում ֆիլմի փակ դիտումից հետո մտավորականները Yerevan.Today-ի հետ զրույցում նշում էին՝ այն Ցեղասպանության մասին նկարված լավագույն ֆիլմերից է: Ֆիլմի պրեմիերան կայացել է ապրիլի 22-ին: Ըստ ֆիլմի մտահղացման հեղինակ և պրոդյուսեր Մանվել Սարիբեկյանի՝ լայն հանրության դատին այն կներկայացվի գարնանը:

свернуть