Hindistonning Chennay shahrida o‘tkazilgan 44-Butunjahon shaxmat olimpiadasida chempion bo‘lgan O‘zbekiston jamoasi 11 avgust kuni Toshkentga qaytdi.
G‘oliblar tantanali ravishda kutib olindi. Tadbirda bosh vazir Abdulla Aripov shaxmatchilarga prezident tabrigini yetkazdi va mukofotlarni topshirdi.
Chempionlikni qo‘lga kiritgan erkaklar jamoasi vakillari — Jahongir Vohidov, Nodirbek Abdusattorov, Nodirbek Yakubboyev, Javohir Sindorov va Shamsiddin Vohidov 600 mln so‘mdan pul mukofoti, Equinox avtomobili hamda «O‘zbekiston iftixori» medali bilan taqdirlandi.
200ga yaqin jamoa ichida 31-o‘rinni qo‘lga kiritgan ayollar jamoasi a’zolari — Nilufar Yakubboyeva, Umida Omonova, Marjona Malikova, Maftuna Bobomurodova va Afruza Hamdamova «Kelajak bunyodkori» medali bilan mukofotlandi.
Estalib o‘tamiz, O‘zbekiston erkaklar jamoasi tarixda ilk bor shaxmat olimpiadasida oltin medalga sazovor bo‘ldi. Vakillarimiz turnir davomida biror marta ham mag‘lubiyatga uchramagan yagona jamoa bo‘ldi.
#ykj #chess #shaxmat
