"МӘҢГІЛІК ЕЛДІ" ЖЕҢІП, ЭФИРДЕН ҚАҒЫЛДЫҚ

Бұл хабар 2014 жылы ақпан айында түсірілді. Балаларымыз оқитын мектеп намысын қорғаңыздар деп шақырған соң, тобымызды "Аманат" деп атап, жеңілмеуге күш жұмсадық. 6-7 сағатқа созылған жарыс тартысты өтті. Алайда кейін келеңсіз жағдайды бастан кештік. Жарыс барысында "Мәңгілік ел" атты топты біз жеңіп кеттік. Сөйтсек ол жеңіс сценарий бойынша емес екен. Осы күтпеген жеңіс үшін эфирге бағдарламаға сай шықпай қалдық. Тіпті ол топқа қазылар жарыс кезінде бүйрегі бұрып, ұпай қосқанын да байқадық. Қайткенде де "Мәңгілік ел" жеңу керек секілді сезілді бізге. Оның бәрі намысымызды қайрай түсті. Уәде еткен күні ағайын-туыс, бала-шаға, дос-жаран, еліміздің түкпір-түкпіріндегі құда-жекжат теледидарға телміріп, жарысты тамашалаймыз деп күтті. Бірақ жарыс эфирге шығарылмады. Алматыдан балалардың нағашылары, Көкшетаудан туыстары хабарласып жатты. Біздің хабар орнына ескі бір жазбаны қойды. Оның себебін жауапты журналистен сұрағанымда, "Сіз ренжімеңіз, жарысты көрсете алмаймыз. Басшылар солай шешті",- деп жауап берді.
Арада 6 ай өткенде, ел демалысқа кеткенде елеңсіз бір жағдайда хабарды бір мәрте жылт етіп көрсетіпті. Оны ешкім де білмей қалды. Ал мен болсам балаларыма эфирге қыста неге шықпай қалғанымызды түсіндіре алмадым.
Жуырда осы даулы жарыстың бейнежазбасын тауып алып, көпшілік назарына ұсынып отырмын.
#Толағай сайысы

свернуть