ՔՈ ՁԱՅՆԸ [ Ссылка ]
2014թ. հունվարի 1-ից Ռուսաստանի Դաշնությունում ուժի մեջ են մտել ՌԴ-ից ելքի և ՌԴ մուտքի մասին և ՌԴ-ում օտարերկրյա քաղաքացիների իրավական կարգավիճակի մասին դաշնային օրենքներում կատարված փոփոխությունները: Համաձայն նոր կարգի՝ 2014թ. հունվարի 1-ից սկսած ՌԴ առանց վիզա մուտքի իրավունք ունեցող պետությունների (այդ թվում՝ Հայաստանի Հանրապետության) քաղաքացիները կարող են ՌԴ տարածքում մնալ 90 օր յուրաքանչյուր 180 օրվա ընթացքում: Դա նշանակում է, որ այդ պետությունների քաղաքացիները Ռուսաստանում 90 օր գտնվելուց հետո այլևս չեն կարող հատել Ռուսաստանի սահմանը և անմիջապես հետ վերադառնալ, ինչպես դա անում էին նախկինում: Անհրաժեշտ է հաշվի առնել, որ վերոհիշյալ կարգը խախտողների համար սահմանվել է ՌԴ մուտք գործելու արգելք 3 տարի ժամկետով: Օրենքում կան բացառություններ կրթության նպատակով մեկնողների և աշխատանքային պայմանագրեր ունեցողների համար, բացառություններ չեն նախատեսվում Մաքսային միությանն անդամակցող երկրների համար: Այս մասին այսօր հրավիրված մամլո ասուլիսի ժամանակ խոսել է իրավաբան Լիլիթ Ներսիսյանը:
